Nouerint uniuersi presens scriptum inspecturis quod ego Willelmus de Bellocampo de Bedeforde ex toto remisi pro me et heredibus meis uel assignatis meis [et] in perpetuum quietum clamaui abbati et conuentui de Wardona totum ius et clameum quod habui uel aliquo modo habere potui in una uirgata terre cum pertinenciis quam Robertus Pycot [de] tenuit de dictis abbate et conuentui de Wardona in Tolwyk Et in una dimidia uirgata terre et medietate unius quarterii terre cum suis pertinenciis quam Hugo de Berchemore tenuit de eisdem in Maldon Ita quod nec ego nec aliquis heredum uel assignatorum meorum poterimus de cetero de dictis tenementis in Tulwyk et Maldon aliquid exigere uel uendicare neque releuium neque wardam neque sectam curie aliquam nec aliquid aliud sectarum seruicium preter solomodo scutagium cum euenerit quantum pertinet ad tantum tenementum et auxilium ad primogenitum meum militem faciendum et primam filiam meam et heredum meorum maritandam quod seruicium tenentes dictarum terrarum pro abbate et conuentui de Wardona semper cum contigerit fideliter soluent In cuius rei testimonium huic scripto ad modum cirographi confecto sigillum meum et sigillum dicti abbatis alternatim sunt apposita Hiis testibus dominis Johanne de Grey et Reginaldo filio eius Galfrido le Rus et Waltero de Bellocampo militibus Simone Rufo Henrico Troue Willelmo de Dunstabl[] et aliis Datum apud Bedeford[] anno regni regis Henrici filii regis Johannis quadragesimo [secundo] sexto septimo decimo Kalend Junii

Source Fulltext: Cartulary of the Priory of Old Wardon, Bedfordshire. G. H. Fowler. John Rylands Library, Manchester, Latin 223. Manchester University Press. Manchester. 1931.