Anno mcxcix facta est hec compositio inter monachos sancte Marie de Gardon et canonicos sancte Crucis de Thetford utriusque partis consensu et bona uoluntate scilicet quod idem monachi persoluent annuatim die exaltacionis sancte Crucis ipsis canonicis xii den nomine none garbe illarum xxxvi acrarum quas Gaufridus de Forneis dedit ipsis monachis in perpetuam elemosinam in Buruuham Hanc autem pensionem persoluent iam dicti monachi quamdiu predictam terram habuerint uel aliquis illam nomine illorum sicut iamdictum est prefatis canonicis Et ut hec compositio cunctis diebus rata maneat et inconcussa pars altera scripti huius quam prefati monachi habent sigillo prioris et canonicorum prescripti loci sancte Crucis in Thieford premunitur et pars altera eiusdem scripti que est penes iam dictos canonicos [sigillis] abbatum de Gardon et Thilethei communitur Hiis testibus t[homa] archidiacono de Norwic Simone abbate de Thilethei Gerardo priore de Norwice magistro Willelmo de Ley

Source Fulltext: Cartulary of the Priory of Old Wardon, Bedfordshire. G. H. Fowler. John Rylands Library, Manchester, Latin 223. Manchester University Press. Manchester. 1931.