Hec est finalis concordia facta in curia domini Regis apud Westm a die Pasche in unum mensem anno regni Regis Henrici filii Regis Johannis vicesimo sexto coram Roberto de Lexinton Willelmo de Culwrht Gilberto de Preston et Jordano de Neuyle Justic[] et aliis domini Regis fidelibus tunc ibi presentibus Inter Abbatem de Wardon querentem per Ricardum Knyth positum loco suo ad lucrandum vel perdendum Et Hugonem Broy impedientem per Willelmum de Woburne positum loco suo ad lucrandum vel perdendum De septem solidatis redditus cum pertinenciis in Dylewyk et Stacheden unde placitum warancie carte summonita fuit inter eos in eadem curia Scilicet quod predictus Hugo recognouit predictum redditum cum pertinenciis esse ius ipsius abbatis et ecclesie sue de Wardon ut illum quem idem abbas et ecclesia sua predicta habuit de dono predicti Hugonis habend et tenend eidem abbati et successoribus suis et ecclesie sue predicte de predicto Hugone et heredibus suis in liberam puram et perpetuam elemosinam Et idem Hugo et heredes sui warantizabunt acquietabunt et defendent eidem abbati et successoribus suis et ecclesie sue predicte predictum redditum cum pertinenciis ut liberam puram et perpetuam elemosinam contra omnes homines in perpetuum Et idem abbas recepit predictum Hugonem et heredes suos in singulis beneficiis et oracionibus suis que de cetero fient in ecclesia sua predicta in perpetuum

Source Fulltext: Cartulary of the Priory of Old Wardon, Bedfordshire. G. H. Fowler. John Rylands Library, Manchester, Latin 223. Manchester University Press. Manchester. 1931.