Omnibus Christi fidelibus presens scriptum uisuris uel audituris Willelmus Peche salutem in domino Notum sit uniuersitati uestre me teneri Iohanni Diset in sexaginta solidis bonorum et legalium sterlingorum pro duobus doliis boni uini que ab eodem Iohanne emi et recepi in uilla Suthampton et bene me tenui pacatum quam quidem pecuniam eidem Iohanni uel eius atornato presens scriptum ostendenti bona fide soluere teneor in dicta uilla Suthampton ad Pentecostam anno domini mcclxx sexto sine ulteriori dilatione et si quod absit dictam pecuniam termino predicto plenarie non persoluero extunc do et concedo dicto Iohanni unam domum cum pertinentiis suis que sita est in dicta uilla Suthampton in uico qui dicitur Symenelestrete in parte australi uici inter capitale mesuagium Iohannis Ace et celarium quod dictus Iohannes Diset aliquando de me emit quam quidem domum cum pertinentiis suis aliquando tradidi Thome Falkes ad firmam ad terminum decem annorum prout continetur in scripto ad modum cyrographi facto inter eundem Thomam ex parte una et me ex altera habend et tenend dictam domum cum pertinentiis suis dicto Iohanni et heredibus suis uel suis assignatis libere quiete bene et in pace inperpetuum ita quod dicto Thome satisfaciant de termino suo quem habet in eadem domo et quod in predicto festo Pentecoste soluant michi quatuor marcas argenti et reddant fratribus et sororibus hospitalis Domus Dei Suthampt inde annuatim octo solidos et sex denarios ad quatuor principales terminos anni uidelicet ad singulos terminos viginti et quinque denarios et obolum Uolo etiam et concedo pro me et heredibus meis quod carta feofamenti perpetui sigillo meo signata quam inde eidem Iohanni feci et tradidi predicto Thome Falkes quasi in equa manu custodiendam sine omni strepitu litis dicto Iohanni uel eius atornato presens scriptum ostendenti liberetur in crastino sancte Trinitatis anno predicto nisi dictos sexaginta solidos prius persoluero ita tamen quod prius michi persoluat quatuor marcas argenti ut predictum est Et ad omnia predicta firmiter et sine dolo tenend obligo me et omnia bona mea mobilia et immobilia iurisdictioni et districtioni omnium et singulorum iudicum et balliuorum tam ecclesiasticorum quam ciuilium quod possint me et heredes meos quacumque censura uoluerint compellere si necesse fuerit ad fideliter obseruandum omnia predicta Obligo etiam omnes heredes meos ad faciendum pro me omnia ad que me tenore presentium obligaui In cuius rei testimonium presenti scripto sigillum meum apposui Hiis testibus Ada de Winton tunc custode uille Suthampton Nicholao Beket Henrico le Flameng Nicholao de Bareflut Hugone Sampson Iohanne Ringston Thoma Falkes Iohanne Arni Roberto Arni et aliis

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.