sciant presentes et futuri quod anno domini mcclx septimo in festo sancti Iohannis Baptiste ita conuenit inter Robertum de Knoel tunc magistrum Domus Dei Suth et fratres ac sorores eiusdem Domus ex una parte et Rogerum le Barbiers burgensem uille Suth ex altera uidelicet quod dicti magister et fratres ac sorores concesserunt et dimiserunt dicto Rogero duas seldas que de feodo et elemosina dicte Domus sunt in parochia sancti Michaelis Suth ex opposito domus dicti Rogeri in qua tunc manebat uidelicet in angulo uici qui uocatur Symenelestret subtus mesuagium illud quod Willelmus Galopyn aliquando habuit et tenuit de Domo Dei habend et tenend eidem Rogero et heredibus suis uel assignatis suis exceptis uiris religiosis et iudeis libere quiete et pacifice reddendo inde annuatim imperpetuum eidem Domui sine difficultate qualibet quinque solidos sterlingorum ad quatuor anni terminos uidelicet ad festum sancti Michaelis quindecim denarios [etc] pro omni seruitio et demanda ad dictam Domun Dei pertinente uidelicet quamdiu idem Rogerus et sui heredes uel sui assignati predictum redditum ad predictos terminos bene persoluerint et edificia in statu debito seruauerint competenter Quod ut perpetuam optineat firmitatem huic scripto cirographato signum dicte Domus Dei et signum dicti Rogeri hinc inde sunt alternatim appensa Hiis testibus Roberto Bonhayt et Bernardo la Moygne tunc balliuis Suth Willelmo Thom Iohanne Ryngston Willelmo Bykeman Stephano Dyset et multis aliis

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.