Sciant presentes et futuri quod anno domini millesimo ducentesimo septuagesimo secundo modo subscripto in festo Natali domini conuenit inter Robertum Knoel tunc magistrum Domus Dei Suthampton et fratres eiusdem Domus ex una parte et Willelmum Galopin et Mabelyam uxorem suam ex altera uidelicet quod dicti masgister et fratres concesserunt et dimiserunt dictis Willelmo et Mabelye mesuagium illud cum pertinentiis exceptis soldis quas Rogerus le Barbirs tenet de dicta Domo Dei quod de eorum feodo est et quod Willelmus Galopin aliquando habuit et tenuit de dicta Domo Dei in Suthampt habend et tenend eisdem Willelmo et Mabelye et heredibus suis et cuicumque illud dare uel assingnare uoluerint exceptis uiris religiosis ecclesiasticis et iudeis integre libere et quiete de predicta Domo Dei reddendo inde annuatim imperpetuum eidem Domui Dei sine difficultate qualibet ad festum sancti Michaelis duos solidos sterlingorum ad Natale domini ii sol ad Pascha ii sol et ad festum sancti Iohannis Baptiste ii sol pro omni seruitio et demanda ad Domum Dei pertinente uidelicet quamdiu iidem Willelmus et Mabelia et heredes sui uel sui assingnati dictos octo solidos ut predictum est ad predictos terminos bene persoluerint et edificia in statu debito seruauerint competenter Si autem dicti Willelmus et Mabelia uel sui heredes uel sui assingnati a solutione dictorum octo solidorum annuorum per annum integrum aliquando cessauerint aut edificia predicta perire permiserint licebit extunc prefatis magistro et fratribus et eorum successoribus statim in predicta domo ingredi libere et comodum suum inde facere sine omni inpedimento et contradictione dictorum Willelmi et Mabelie et heredum suorum et suorum assingnatorum In cuius rei robur et testimonium huic scripto cyrographato alternatim sigilla partium sunt appensa Hiis testibus Nicholao de Bareflet Waltero le Hordier tunc balliuis Suthampton Nicholao Beket Henrico le Flemeng Bernardo le Moyene Thoma de Andeuere Radulpho le Petit Iacobo Isambard Roberto le Mercier

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.