Notum sit omnibus tam presentibus quam futuris quod anno domini mcc octogesimo primo qui fuit annus regni regis Edwardi filii regis Henrici nonus facta est hec finalis concordia inter dominum Robertum de Cnoel magistrum Domus Dei Sutht ex parte una et Walterum de Wyk ex altera super eo quod idem Walterus inplacitauit dictum magistrum per breue domini regis de noua dissaysina de communa pasture sue quam dicebat pertinere ad liberum tenementum suum de Gyssyche Omnium Sanctorum uidelicet de una acra terre et dimidia cum suis pertinentiis inclusis in parte boriali curie dicti magistri in eadem uilla et de una acra terre cum suis pertinentiis inclusa quam Iohannes de Gyssych tenuit de dicto magistro in eadem uilla et de uno mesuagio et uno curtilagio cum suis pertinentiis inclusis quod Iohannes Lugon tenuit de eodem magistro in eadem uilla et de triginta duabus acris terre frussatis et seminatis cum suis pertinentiis super Brembelhulle et de decem acris terre frussatis et seminatis cum suis pertinentiis super Hardeleydune sub forma subscripta uidelicet quod dictus Walterus de Wyke remisit pro se et heredibus suis et quietam clamauit inperpetuum dicto magistro et eius successoribus et predicte Domui Dei omnem querelam quam mouerat aduersus prefatum magistrum de dicta communi pastura et omne ius quod habuit uel habere potuit aduersus eundem magistrum ratione eiusdem pasture ita quod predicte duo acre et dimidia incluse et dictum mesuagium et curtilagium cum suis pertinentiis inclusa remaneant amodo predicto magistro et eius successoribus bene et in pace una cum prenominata terra frussata et seminata super Brembelhulle et super Hardelyedune salua dicto Waltero et heredibus suis communia pastura ad aueria sua pascenda in predicta terra frussata super Brembelhulle et super Hardelyedune tempore aperto et usitato quando predictus magister et eius successores ibidem aueria sua habeant pascentia Et pro hac remissione et quieta clamatione dedit et concessit dictus magister pro se et successoribus suis dicto Waltero et heredibus suis unam croftam terre arabilis que largiter continet unam acram que iacet inter gardinum dicti Walteri et hayam Nicholai le Gale [in largitate] usque ad palum haye dicti Nicholai et in longitudine ad bundas terre dicti Walteri usque ad cheminum regalem uersus aquilonem habend et tenend dictam croftam cum suis pertinentiis predicto Waltero et heredibus suis libere pacifice integre et inperpetuum reddendo inde annuatim dicto magistro et eius successoribus tres denarios ad duos anni terminos uidelicet ad festum sancti Michaelis unam denarium et obolum et ad Pascha unum d et obolum pro omni seruitio seculari demanda et exactione Licebit etiam dicto Waltero et heredibus suis dictam croftam terre uersus se includere et fossare et tenere inclusam sine contradictione uel inpedimento dicti magistri uel successorum suorum Si uero dictus Walterus et heredes sui in solutione predicti redditus trium denariorum terminis statutis defecerint licebit dicto magistro et eius successoribus predictum Walterum et heredes suos per omnia tenementa sua que de dicto magistro tenent in Gyssych et Hupwymburne ad prefatum redditum soluendum distringere quousque eis plenarie fuerit satisfactum de solutione termini non obseruati Et ut predicta finalis concordia stabilis et firma perpetuo perseueret presenti scripto in modum cyrographi confecto supradicte partes sigilla sua alternatim apposuerunt Hiis testibus domino Petro de Boys milite Willelmo le Franceys domino Willelmo rectore ecclesie de Hup Wymburne Iohanne filio Elye Iohanne le Gentil Thoma de la Forde et multis aliis

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.