Anno gratie mcclxx septimo ad festum natiuitatis beati Iohannis Baptiste facta est hec conuentio inter dominum Robertum priorem Domus Dei Suhamton et fratres et sorores eiusdem loci ex parte una et Iohannem Huse de Gissiche ex altera uidelicet quod predictus Robertus et eiusdem loci fratres et sorores unanimi assensu et consensu tradiderunt et concesserunt dicto Iohanni custodiam terrarum et tenementorum que quondam fuerunt Roberti Terri in parochia de Gissich Omnium Sanctorum cum molendinis et omnibus aliis pertinentiis que in manu eorum habuerunt nomine custodie habend et tenend dicto Iohanni et heredibus suis de predictis priori fratribus et sororibus et eorum succesoribus usque ad legitimam etatem Petri Terri filii et heredis dicti Roberti Terri faciendo inde dictus Iohannes et heredes sui omnimoda seruitia de predicto tenemento debita et consueta et insuper reddendo annuatim nomine custodie dicto Roberto fratribus et sororibus et eorum successoribus usque ad legitimam etatem dicti heredis quatuor solidos sterlingorum ad quatuor terminos anni in dicta uilla ad redditum soluendum usitatos uidelicet ad quemlibet terminum duodecim denarios et insuper dictus Iohannes obligauit se et heredes suos fide media ad aquietandum et defendendum dictum Robertum priorem et eiusdem loci fratres et sorores et eorum successores uersus dictum heredem et omnes alios qui occasione custodiarum dicti heredis terrarum et tenementorum predictorum uersus eos aliquid exigere uel calumpniare possint in posterum et eos indempnes uersus omnes conseruandos et ad maiorem securitatem predictus Iohannes ad omnia predicta fideliter facienda et tenend dictis Roberto fratribus et sororibus et eorum successoribus manucaptores inuenit uidelicet Ricardum de Louerlee Ricardum Calabre Iohannem Alein et Robertum de Boresfen qui se in solidum et in forma superius expressa ad omnia predicta fideliter facienda et tenend ac aquietanda unusquisque per se fide media se obligauit In cuius rei testimonium tam dictus Robertus prior quam dictus Iohannes et manucaptores sui presenti scripto in modum cyrographi confecto sigilla sua alternatim apposuerunt Hiis testibus Thoma de la Forde [ricardo de Burcy] Willelmo Tribold Ricardo de Brochamton Willelmo clerico et aliis

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.