Anno domini mcclxx quarto modo subscripto in festo sancti Michaelis conuenit inter Robertum de Knoel priorem Domus Dei Suthampton et fratres et sorores eiusdem Domus ex parte una et Rogerum de Burcy filium Ricardi de Bursy ex altera uidelicet quod predicti prior et fratres necnon et sorores concesserunt eidem Rogero ad terminum uite sue totum tenementum quod Ricardus de Burcy pater dicti Rogeri de eisdem ad uitam suam tenuit de uillenagio ipsorum in Manyton ita tamen quod idem Rogerus toto tempore uite sue faciet pro tenemento ipso omnia seruitia debita et consueta prout predictus Ricardus de Burcy facere consueuit habend et tenend dictum tenementum quoaduixerit post cessum uel decessum predicti Ricardi Et debet idem Rogerus domos et alia ad dictum tenementum pertinentia bono modo sustinere sine destructione et uasto Post mortem uero ipsius Rogeri nullus heredum suorum uel assignatorum poterit in tenemento eodem aliquid iuris uenidicare sed ipsi prior et fratres de eo sicut de uillenagio suo pro sua uoluntate disponant In cuius rei testimonium partes predicte huic scripto in modum cirographi confecto alternatim sigilla sua apposuerunt Hiis testibus Iohanne Benedicti rectore ecclesie de Gessich Ricardo de Luuerle Iohanne le Chamberlayn Iohanne de Sopwic et multis aliis

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.