Acta est ista composicio anno ab incarnacione domini millesimo ccxxx nono in crastino sancti Martini episcopi inter priorem et conuentum de Dauentre ex una parte et dilectos parochianos suos Willelmum filium Nigelli Johannem Gemme Johannem Bainel Walterum filium Jordani Henricum Fabrum Robertum filium Nigelli Simonem filium Philipi de Drayton et Jordanum de Huptrop ex altera uidelicet cum multe fuissent altercationes et controuersie inter partes tam in curia christiana quam laica tandem lis inter eis amicabiliter in hunc modum conquieuit uidelicet quod dicti prior et conuentus remiserunt et quietas clamauerunt pro se et successoribus suis dictis parochianis et heredibus illorum omnes exacciones penas excepiones ante prenominatum diem motas uel que de iure mouere potuerunt ad dictos monachos pertinentes tam in foro laicali quam curia christiana qualescumque et de quibuscunque iniuriis uersus eos habuerunt Saluo in omnibus iure sancte matris ecclesie Predicti uero parochiani pro se et successoribus suis uel heredibus suis remiserunt et quietum clamauerunt imperpetuum dictis monachis et successoribus suis siquid iuris uel clamii habuerunt uel habere potuerunt in bosco dictorum monachorum qui uocatur Armele omnibus et aliis exceptionibus querelis accionibus qualescunque et de quibuscunque in uilla et extra uillam aduersus dictos monachos ante prenominatum diem sancti Martini habuerunt uel habere potuerunt omnino pro se et heredibus suis renunciando saluo in omnibus fide domini illorum Hanc uero conuentionem fideliter et sine dolo tenend prior pro se et suis inscriptis sacrosanctis iurauit Ceteri uero tacti sacrosanctis pro se et heredibus suis iurauerunt Ut autem ista composicio rata et stabila inperpetuum permaneat presens scriptum immodum cyrographi inter partes est confectum et tam sigillo dictorum monachorum quam prenominatorum parochianorum huic inde apposito corroboratum Hiis testibus domino Simone de Trop milite Rogero Gulafre Magistro Stephano tunc decano de Dauentre Willelmo uicario de Dauentre et multis aliis

Source Fulltext: Cartulary of Daventry Priory. M. J. Franklin. Northamptonshire Record Society, V.35. Northamptonshire Record Society. Northampton. 1988.