Hec est conuentio facta inter dominum Walterum priorem et conuentum de Dauentre ex una parte et Warinum de Throp ex altera uidelicet quod cum idem Warinus deberet dictis priori et conuentui viginti et quinque solidos de [ar]renagiis firme de molendino de Welton Prefati monachi intuitu dei et amore ipsius Warini relaxauerunt eidem quinque solidos et concesserunt ut ipse soluat eis viginti solidos qui restauit pariter cum alia firma que sequentur per quatuor terminos anni ad quemlibet terminum quinque solidos scilicet duos solidos et vi den pro firma molendini et duos solidos et vi den pro reiragiis et sic ad quemlibet terminum donec prefati viginti solidi plene fuerunt eis soluti Incipiet autem huiusmodi solucio ad festum sancti Michaelis anno gracie millesimo ccxxix Hanc autem solucionem plene et fideliter faceindam de predicto molendino et de eius pertinenciis ipse Warinus promisit ac insuper iurauit tactis sacrosanctis euangeliis coram toto conuentu et aliis de Dauentre quod nisi fecerit et redditum cum debito post terminos infra quindecim dies cum redderit dicti monachi de Dauentre habebunt prefatum molendinum cum pertinenciis liberum et quietum sine aliqua contradiccione uel reclamacione ipsius Warini et heredum suorum inperpetuum In cuius rei testimonium presenti scripto sigillum prefati Warini est appositum Hiis testibus Waltero filio Simonis Nicholao de Noers Rogero de Welton et multis aliis

Source Fulltext: Cartulary of Daventry Priory. M. J. Franklin. Northamptonshire Record Society, V.35. Northamptonshire Record Society. Northampton. 1988.