Hec est conuentio facta anno domini millesimo cc quinquagesimo tercio in festo Pentecoste inter Willelmum priorem de Couentre et eiusdem loci conuentum ex parte una et Nicholaum priorem de Dauentre et eiusdem loci conuentum ex altera uidelicet cum predictus prior de Couentre nomine ecclesie sue de Couentre ab herede Hugons le Pohere exigabat homagium releuia et sectas curie de tribus septimanis in tres septimanas pro dimidio feodo militis in Haddon in comitatu Northanpton quod quidem feodum predictus prior de Dauentre et eiusdem loci conuentus tenent in dominico et per predictum Hugonem le Pohere feofati Item in hunc modum contencio conquieuit uidelicet quod predictus prior de Couentre et eiusdem loci conuentus concesserunt et confirmauerunt pro se et successoribus suis et ecclesia sua de Couentre predictis priori de Dauentre et eiusdem loci conuentui et eorum successoribus et ecclesie sue de Dauentre totum predictum feodum cum suis pertinenciis habend et tenend predictis priori de Dauentre et eiusdem loci conuentui et eorum successoribus et ecclesie sue de Dauentre totum predictum feodum cum suis pertinenciis libere et quiete bene et in pace in liberam et perpetuam elemosinam inperpetuam reddendo inde per annum predictis priori de Couentre et eiusdem loci conuentui et eorum successoribus et ecclesie sue de Couentre apud Merston iuxta Catby vi solidos sterlingorum scilicet ad festum sancti Micahelis iii solidos et ad Pascha iii solidos Et faciendo et soluendo ibidem scutagium quantum pertinet ad dimidium feodum militis quociens scutagium dari contigerit prout dare consueuerunt pro omni seruicione exaccione demandis et sectis curiarum inperpetuum Et sciendum quod si predictus prior de Dauentre et eiusdem loci conuentus uel eorum successores in solucione scutagii uel in solucione totius redditus uel partis terminis et locis statutis cessauerunt bene licet et licebit predictis priori et conuentui de Couentre et eorum successoribus uel eorum balliuis predictum feodum suum de Haddon intrare et districiones racionabiles facere et abducere usque ad predictam uillam de Merston et ibidem retinere et deliberare secundum consuetudinem regni Anglie Prior uero de Dauentre et eius successores predicto priori de Couentre et eius successoribus fidelitatem pro predictis seruiciis facient succesiue apud Merston per racionabilem summonicionem In cuius rei testimonium presenti scripto inter panes immodum cyrographi diuiso tam sigillum dictorum prioris et conuentus de Couentre commune quam sigillum commune prioris et conuentus de Dauentre huic inde sunt appensa Hiis testibus dominis Eusthatio de Watford Ada de Napton Roberto Paynell militibus Willelmo Clement et multis aliis

Source Fulltext: Cartulary of Daventry Priory. M. J. Franklin. Northamptonshire Record Society, V.35. Northamptonshire Record Society. Northampton. 1988.