Venerabili domino H dei gratia Cicestrensi episcopo R prior Wigornensis et S archidiaconus Wigornensis salutem Sciatis nos excellencie notum facimus nos interfuisse audisse et vidisse causam que vertebatur inter Walterum clericum et priorem de Daventre terminatam fuisse ad expressam formam litterarum que subscripta est et a domino nostro Wigornensis episcopo summo pontifice directa[m] Summo pontifici episcopus Wigornensis causa pater que vertebatur inter Walterum clericum et priorem de Daventre super ecclesia de Haddon nobis a sanctitate vestra delegata fuit non absolute set condiccione ut si pro veritate nobis constaret prefatum W ad vestram audienciam appellasse ab examine domini Londonie super eadem causa partibus ante nos convocatis eandem causam cum omni studio deciderimus remota appellacione alioquin eidem Londoniensi episcopo ex parte nostra iniungerimus ut prescripte cause debitum finem cessante appellacione inponeret Evocatis itaque partibus et facta nobis fide de appellacione prefati W ab examine domini Londoniensis idem Walterus poscebat sibi restitui ecclesiam de Haddon qua se iniuste spoliatum conquerebatur prior vero eidem transaccionis exceptionem opposuit quam in presencia domini Londoniensis cui olim causa delegata fuit in hunc modum factam fuisse dicebat cavit prior fide super hoc interposita se predicto clerico statutis terminis iii marchas argenti daturum ut a lite recederet et super iamdicta ecclesia nec se nec ecclesiam suam ulterius inquietaret quod ipse Walterus tractis iuravit evangeliis cum ei satisfactum esset ad plenum de predicta summa et sic est a lite recessus Super hoc scripsit nobis dominus episcopus Londoniensis testimonium perhibens de transaccione facta in modo predicta et cum ei denuo cognicio cause a vobis commissa esset et testibus prioris adiudicata est probatio et quidam monachus post celebratum xiiii solidorum solucionem se xxvi solidos eidem exsolvisse tactis iurasset evangeliis ceteris testibus sese probacioni offerentibus Walterus abcessit Walterus vero transactionem factam fuisse respondit et se ecclesiam abiurasse non absolute set ea condiccione si prior scilicet ei satisfecisset statutis terminis de predicta summa quod quia non fecit ut asserebat voluit habere regressum ad principalem causam xii solidos tantum se inde suscepisse confitens nec stauto termino reliquum dicebat insolutum Prior vero copiam producens testium se pactis stetisse et tres sibi integrum marchas solvisse respondit Inquisitus Walterus si testes cognovisset negavit se opinionem eorum cognoscere cum obiecisset prior illos de eadem villa esse de qua et ipse et eum tanto tempore inter eos fuisse conversatum quo posset ei satis de vita eorum liquere et petiit sibi inducias dari ut de vita testium et opinionem diligentius inquireret Cum itaque super hoc haberemus consilium Walterus dicens sibi satisfactum fuisse super mandato nostro prefatum priorem appellavit de inobediencia et contemptu domini pape quia non fuit prosecutus appellacionem quam fecerat adversus eum coram domino Londoniensi et de violentia intrusione ecclesie quam sibi petebat restitui die prefigens appellacioni Quasi modo geniti Prior vero quia cognicionem cause nobis commissa fuit cessante appellacione instabat ut iuxta mandatum vestrum procedemus in causam super quo consuluimus fratres nostros episcopos qui venerant apud Oxoneford ad audiendum mandatum vestrum per Magistrum Iohannem decanum Sarespesberie qui dicebant probacione prioris debere suscipi et eum a peticione sepedicti Walteri absolvi Testibus itaque prioris diligenter examinatis assidentibus viris religiosis abbate scilicet Persorensi priore Coventrensi priore Kinildewird et aliis multis suscepta est eorum probacio et prior a peticione Walteri absolutus est Quorum quis in iure potior habend sit prudencia decernat e[sse] facili

Source Fulltext: Cartulary of Daventry Priory. M. J. Franklin. Northamptonshire Record Society, V.35. Northamptonshire Record Society. Northampton. 1988.