Nouerint uniuersi quod ego Cecilia la Wete spontanea uoluntate mea tactis sacrosanctis iuraui et fideliter promisi quod nunquam in posterum implacitabo uel aliquo alio modo inquietabo Iohannem Horn uel heredes suos seu eius assignatos super quadam parte curtillagii quam Nichol la Wete uir meus et ego ei uendidimus in uilla Suthampton prout carta quam inde ei contulimus testatur Et si contigat me contra hoc sacramentum seu promissionem meam aliquo modo uenire subieci me sponte et sine precepto aliquo dicti Nicholai uiri mei iurisdictioni decani Suthampton qui pro tempore fuerit quod sine strepitu iudiciali possit me per totum decanatum suum excommunicare et in excommunicatione detinere donec a dicta inquietatione prefati Iohannis et heredum suorum uel eius assignatorum omnino cessauero et eisdem de expensis et dampnis que occasione inquietationis mee sustinuerunt plene satisfecero renuncians omni exceptioni cauillationi fori priuilegio regie prohibitioni ac crucesignatorum tuitioni necnon impetratis impetrandis et omni iuris remedio tam canonici quam ciuilis et omnibus per que iuuari possem contra hoc sacramentum seu promissionem meam uel per que presens scriptum posset infirmari Et in huius rei testimonium presenti scripto sigillum domini Nich tunc decani Suth una cum sigillo meo apponi procuraui Hiis testibus Benedicto Azonis maiore Suth Walt[er]o le Flameng Willo Fortin tunc balliuis Willo de Lauinton Henr de la Prise Matheo Gese Mich Pudele Petr Thykeman Willo Stordi Simon de la Bolehous et aliis Act vicesimo prima die mensis Februarii anno Domini mcc quadragesimo septimo

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.