Ego Petronilla dicta Flemeng de Suthampton in ligia uiduitate mea per has litteras meas patentes sigillo meo signatas omnibus notum fieri uolo quod cum N prior Sancti Dionisii iuxta Sutht centum solidos et decem denarios sterlingorum qui ei fuerunt a retro de annuo redditu quem eisdem priori et conuentui debebam de longo mesuagio cum gardino quod fuit Roberti Hardewine et quod de ipsis teneo in uilla Sutht intra portam orientalem uille ex parte australi uici ego spontanea uoluntate recognoscens me in predicta summa pecunie modo premisso teneri de consilio et assensu magistri Walteri et Egidii filiorum meorum bona fide promisi me satisfacturam de dicta pecunia dictis priori et conuentui uel eorum successoribus per me uel heredes meos seu assignatos intra spacium unius anni intrantis ad festum Natiuitatis Sancti Iohannis Baptiste proximo futurum et terminati ad dictum festum anno subsequenti simul cum triginta solidis sterlingorum qui inter illud spacium temporis occurrent de annuo redditu dicti mesuagii soluendi satisfaciam uidelicet ad festum predicte Natiuitatis Sancti Iohannis predicto anno intrante de triginta duobus solidis octo denariis et obolo ad festum Sancti Michelis sequens de triginta duobus solidis octo denariis et obolo ad Natale Domini sequens de triginta duobus solidis octo denariis et obolo et ad Pascha subsequens de triginta duobus solidis octo denariis et obolo Et si predictis terminis elapsis uel saltem infra festum Natiuitatis Sancti Iohannis Baptiste anno supradicto terminante non fuerit de totali pecunie summa predicta satisfactum de consilio et assensu dictorum filiorum meorum concessi pro me et heredibus meis uel assignatis quod dicti prior et conuentus uel eorum successores ingrediantur libere auctoritate propria et teneant dictum mesuagium cum gardino tamquam ius et feudum suum quod eis ex tunc pro me et heredibus meis per has litteras meas patentes quietum clamo et remitto in perpetuum Et in huius rei testimonium presens scriptum sigillo meo et sigillis predictorum duorum filiorum meorum quorum assensu et uoluntate premissa concessi necnon et sigillo prepositure uille Sutht ad maiorem securitatem signatum dictis priori et conuentui concessi Hiis testibus Thom Blundo et Nicho Geys balliuis Sutht Henr Flemeng Rob[er]to Bonheit Rob[er]to de Barbeflut Willo Beaubek Hugon le Craunt Henr Nigro Iohe Ringston Rob[er]to le Mercir et multis aliis Dat et act apud Sutht die Martis proxima ante festum Cathedre Sancti Petri anno domini millesimo ducentesimo septuagesimo nono

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.