In nomine Sancte et Indiuidue Trinitatis die dominica ante festum Exaltationis Sancte Crucis anno domini mcc septuagesimo nono ego Iohannes Horn burgensis Suth condo testamentum meum in presencia fideiussorum in forma subscripta In primis lego animam meam Deo et corpus terre sepeliendum in cimiterio Sancte Marie Suth et eidem ecclesie cum corpore meo unum chalonem de Reyns etc Item ad sustentandam unam lampadem et faciendum anniuersarium meum in ecclesia Sancti Laurencii lego Rosie uxori mee et suis assignatis post decessum eius tres solidos redditus de domo iuxta Henricum Longum ex parte boriali quam Iohannes de Mora tenet etc Item lego Iohanne filie Nicholai Gese quoddam tenementum supra barram quod fuit aliquando Claremunde cum pertinenciis Item eidem quoddam tenementum quod fuit Henrici Sellarii in parochia Sancti Michelis quod habui ex legato Agnetis Item eidem iii s redditus annui de fundo terre de tenemento Thome de Aldyngton etc Item lego Rosie uxori mee duas acras terre in Kyngeslande etc Item eidem Rosie lego quamdiu uixerit capitale meum mesuagium in quo mansi in parochia Sancti Laurencii cum omnibus pertinenciis suis et domum quam emi de Benedicto Azon in eadem parochia predicto mesuagio meo nunc coniunctam cum omnibus suis pertinenciis Et totam grangiam meam cum gardino et aliis suis pertinenciis supra barram pari conditione eidem ad uitam similiter lego Et dimidiam acram que fuit Coterych et unam acram quam emi de Nicholao de Puteo in Estgarston et unam acram ibidem quam emi de Roberto Dimichiualer cum omnibus suis pertinenciis simili modo eidem lego Et post decessum eiusdem Rosie uolo concedo et lego quod omnia tenementa predicta et tres acre terre prenominate supra Rosie ad uitam legate ad priorem et conuentum Sancti Dionisii iuxta Suth ad sustentationem unius canonici qui pro anima mea et pro anima Rosie uxoris mee et pro animabus omnium fidelium defunctorum celebrare debebit ter in ebdomada in ecclesia Sancti Dionisii integraliter reuertantur Que omnia tenementa et tres acras terre predicte ecclesie Sancti Dion ut predictum est cum omnibus pertinenciis suis lego et assigno Item lego Iohanni filio Nicholai Gese dimidiam acram terre que fuit aliquando Walteri Hayman Item lego ad debita mea acquietanda unam acram terre que fuit Symonis in Paylond et dimidiam acram terre que fuit Chopyn et tres partes unius dimidie acre terre ad uendendum in Luberycoft Item lego predicte ecclesie Sancti Dion ad faciendum anniuersarium meum et Rosie uxoris mee in eadem ecclesia in perpetuum decem solidos redditus de domo Nicholai Gese in qua manet iuxta la Bulehuse etc Probatum fuit hoc testamentum coram G decano Suth die Mercurii in uigil Sancti Mathei Euangeliste anno domini supradicto In cuius rei testimonium etc

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.