Nouerint uniuersi sancte matris ecclesie filii quod cum mota esset controuersia coram magistro Galfrido de Fering[] precentor[] Cycestr[] official[] domini A Dei gratia Winton[] electi auctoritate ordinar[] de causa cognoscente inter dominum Rogerum custodem ecclesie Sancte Marie de Suthampton[] et capellanos et clericos eiusdem ecclesie ex una parte actores et religiosos uiros fratrem Nicholaum priorem de Sancto Dionisis iuxta Suthampton[] et eiusdem loci conuentum ex altera parte reos super decimis molendinorum de Aldinton et decimis piscarie ad eadem molendin[] pertinenc[] quas decimas dicti custos capellani et clerici dicebant ad dictam ecclesiam suam de iure communi pertinere dicti uero prior et conuentus dicebant eas se iusto titulo adeptos ac per longissima tempora pacifice possedisse tandem mediantibus amicis communibus et pacis amatoribus utraque pars spontanea uoluntate ordinacioni predicti official[] subiecit dictis custode capellanis et clericis omni iuri quod sibi competere uidebatur in predictis decimis pro se et suis successoribus inperpetuum renunciantibus dictus igitur official[] auditis hinc inde propositis parcium interueniente uoluntate et assensu pro bono pacis ordinauit in hunc modum uidelicet quod predicti custos capellani et clerici et eorum successores annuatim inperpetuum percipiant a prefatis priore et conuentu et eorum successoribus unum quarterium frumenti competent[] soluend[] ad festum Sancti Michaelis memorate uero decime penes eosdem priorem et conuentum et eorum successores perpetuo quiete remaneant Et conuenit inter partes quod inperpetuum remaneat specialiter potestas et iurisdiccio penes official[] Winton[] qui pro tempore fuerit ad compellendum eosdem ad obseruacionem ordinationis premisse si forte alterutra ipsarum contra eam uenire attemptauerit dictis priore et conuentu specialiter iurisdiccioni eiusdem se subicientibus ut possit eos sine strepitu iuditiali mera execucionis forma compellere per censuram ecclesiasticam ad solucionem dicti frumenti si forte ipsi in solucione termino constituto defecerint Ut autem que premissa sunt perpetue stabilitatis robur optineant memoratus dominus official[] huic scripto dupplicato una cum sigillis parcium predictarum alternatim communicat[] sigillum consistor[] Winton[] apposuit Dat[] anno domini mccl octavo die Martis proxima ante festum Sancti Thome Apostoli in maiori ecclesia Winton[]

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.