Notum sit omnibus quod hoc est est excambium factum inter Nicholaum priorem Sancti Dion[] iuxta Suth[] et eiusdem loci conventum ex una parte et Robertum precentorem et capellanos et clericos ecclesie Beate Marie Suth[] ex altera Dederunt videlicet dicti prior et conventus dicte ecclesie Beate Marie unam acram terre in crofta que iacet retro grangias eiusdem ecclesie Beate Marie ex parte orientali inter easdem grangias et terram Sancti Andree illam videlicet acram que iacet proximior terre dicte ecclesie in eadem crofta ex parte orientali inter eandem terram et dimidiam acram quam dicti prior et conventus sibi retinuerunt in longum super fossatum et se extendit a via que ducit ad Trinitatem usque ad salsum mariscum Et in huius excambium predicti precentor capellani et clerici dederunt et concesserunt dicte ecclesie Sancti Dion[] unam acram terre in Bocklond[] que iacet proximior terre eiusdem ecclesie ex parte aquilonari in eodem campo et se protendit a via regia que vocatur Bradewey versus orientem Habebunt igitur et tenebunt supradicte partes et eorum successores supradictum excambium predicto modo factum cum suis pertinenciis libere quiete integre et pacifice et sibi invicem contra omnes gentes warantizabunt in perpetuum Et ut hoc excambium perpetue firmitatis robur optineat presenti scripto in modum cirographi confecto supradicte partes sigilla sua alternatim apposuerunt Hiis testibus

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.