Omnibus Christi fidelibus ad quos presens scriptum pervenerit W decanus et R cancellarius Sarum et W archidiaconus de Berkesir[] Sarum dioc[] salutem Noveritis nos recepisse mandatum domini pape in hec verba [...] Tandem dictis domino Philippo de Lucy et priore et conventu necnon capellanis Sancti Michaelis Sancte Crucis Sancti Laurencii Omnium Sanctorum Sancte Trinitatis et Sancti Andree de Suth[] convocatis et in iudicio legitime constitutis dicta auctoritate nostra apostolica coram nobis ex consensu parcium conquievit lis mota inter dictum dominum Philippum de Lucy custodem ecclesie Sancte Marie de Suth[] et clericos ibidem deservientes ex una parte et dictos priorem et conventum et capellanos ex altera parte in hunc modum videlicet quod communis processio ville de Suth[] veniet ad ecclesiam Sancte Marie de Suth[] die Ascensionis Domini cum capellanis crucibus et vexillis die vero Assumpcionis Beate Marie et die Sancti Leodegarii veniet sine crucibus et vexillis singuli etiam capellani ministrantes in capellis Sancti Michaelis Sancte Crucis Sancti Laurencii Omnium Sanctorum Sancte Trinitatis et Sancti Andree iurabunt in capitulo rurali fidelitatem dicte Sancte Marie ecclesie de conservanda indempnitate et honore ipsius ecclesie indempnitatem quidem super decimis et legatis consuetis et obvencionibus et sepulturis mortuorum consuetis ad matricem ecclesiam pertinentibus salvo nihilominus iure ipsis capellanis debito et usitatis consuetudinibus nomine veto predictarum capellarum cum pertinenciis suis et ut dicti prior et conventus libere possint famulos suos infra septa domus sue commorantes ad ecclesiastica admittere sacramenta et ad ecclesiasticam sepulturam duos cereos duarum librarum solvent singulis annis predicte ecclesie in Assumpcione Beate Marie et sic idem dominus Philippus de Lucy et clerici in dicta ecclesia Beate Marie de Suth[] deservientes omnem querelam quam adversus dictos priorem et conventum et capellanos moverant super appropriacionem ipsarum capellarum et ad easdem pertinencium et super quibuscumque aliis articulis coram dictis iudicibus motis eis in perpetuum remiserunt Et convenit inter partes quod dicta domini pape auctoritate decano et cancellario Sarum et archidiacono de Berkesir[] remaneat in perpetuum potestas cohercendi si necesse fuerit easdem partes ut stent composicioni prenominate Act[] anno gracie mcc vicesimo quinto mense Maio in ecclesia Sarum cathedrali Et ut dicta composicio perpetue firmitatis robur optineat eam presenti scripto et sigillorum nostrorum apposicione roboravimus et auctoritate qua fungimur confirmavimus

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.