Nouerint uniuersi sancte matris ecclesie filii quod cum mota esset controuersia coram magistro Roberto de Kareuill[] thesaur[] Sarum domini A Dei gracia Wint[] electi offic[] auctoritate ordinaria de causa cognoscente inter religiosos uiros dominum Stephanum priorem et conuentum de Motesfunt[] actores ex una parte et dominum Nicholaum priorem et conuentum Sancti Dion[] iuxta Suth[] reos ex altera super decimis tam maioribus quam minoribus prouenientibus de dominico quod fuit Galfridi Mathei in Parua Sumburna tandem mediantibus parcium amicis communibus et pacis amatoribus utraque pars spontanea uoluntate ordinacioni predicti offic[] se subiecit qui auditis hinc inde propositis parcium interueniente uoluntate et assensu pro bono pacis ordinauit in hunc modum uidelicet quod predicti prior et conuentus Sancti Dion[] et eorum successores annuatim in perpetuum pro bono pacis percipient quatuor marcas argenti a prefatis priore et conuentu de Motesfunt[] et eorum successoribus ad quatuor anni terminos scilicet ad festum Sancti Michelis unam marcam ad Nat[] Domini unam marcam ad Pascha unam marcam et ad festum Natiuitatis Sancti Iohannis Baptiste unam marcam in ecclesia de Estuderleg[] soluendas memoratis decimis penes prefatos priorem et conuentum de Motesfunt[] perpetuo remanentibus Prefati uero prior et conuentus de Motesfunt[] subiecerunt specialiter iurisdictioni et cohercioni offic[] domini Wint[] qui pro tempore fuerit ut possit eos sine strepitu iudiciali mera execucionis forma compellere per censuram ecclesiasticam ad solucionem predictarum quatuor marcarum terminis statutis faciendam Si autem aliqua parcium contra premissam ordinacionem uenire presumpserit dabit nomine pene domino Wint[] centum solidos et parti uolenti ordinacionem obseruare centum solidos nomine interesse Ut autem que premissa sunt perpetue stabilitatis robur optineant memoratus dominus offic[] Wint[] huic scripto duplicato una cum sigillis parcium predictarum alternatim communicatis sigillum suum apposuit Hiis testibus etc Acta in Maiori ecclesia Wint[] die Sabbati proxima post festum Apostolorum Petri et Pauli anno domini mccl tercio

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.