Hec est conuencio facta inter Radulfum Martel et priorem et monachis de Snelleshale uidelicet quod Radulfus Martel tradidit priori et monachis de Snellesh[] uillam suam de Tateho ad firmam per quatuor annos pro viginti marcis argenti cum omnibus pertinenciis suis in uilla et extra uillam in bosco in plano in pascuis et pasturis in redditibus in taillagiis et in omnibus consuetudinibus que ad eum pertinent cum uilla predicta sine omni retentione Predictus autem Radulfus debet warantizare monachis prefatam uillam de Tateho cum omnibus pertinenciis supradictis et si ex defectu warantizationis sue dampnum incurrant aut aliquid amittant ipse eis plenariam facere debet recompensationem Predicti monachi receperunt cum uilla predicta triginta acras et dimidiam frumento seminatas et octo acras de Waterh[] Et receperunt sex boues et unum equum precii trium marcarum et quinque solidorum que omnia elapsis quatuor annis reddent domino Radulfo scilicet equum aut precium Et ut hec conuencio firma et stabilis inter eos usque ad predictum terminum permaneat huius cirograffi in duas partes diuisum inter eos fecerunt Et ad maiorem securitatem utraque pars parti alterius suum apposuit sigillum Hec conuencio facta est ad festum Purificationis Sancte Marie proximum post pacem inter Henricum regem Anglie et Lodouicum et barones Huius conuencionis testes sunt Henricus Disi Iohannes capellanus de Lillineston Galfridi Giffard Haspelon Wille

Source Fulltext: Cartulary of Snelshall Priory. J. G. Jenkins. Buckinghamshire Record Society, V.9. Buckinghamshire Record Society. Bedford. 1952.