Omnibus Cristi fidelibus presens scriptum visuris vel audituris Johannes de Grey salutem in domino Noueritis me concessisse deo et beate Marie et omnibus sanctis et ecclesie beati Petri de Harewolde et Margerie [priorisse et] monialibus ibidem deo seruientibus in pura et perpetua elemosina pro anima mea et animabus an[tecessorum et s]uccessorum meorum Liberam et puram potestatem terras suas arandi et seminandi quolibet anno [si uoluer]int in seysonibus dil Hyech libere et quiete sine aliquo seruicio pro eisdem faciendo Et renunciaui [per pre]sens scriptum pro me et heredibus meis omni juri seruicii caponum et alterius cuiuscumque in perpetuum Ita videlicet quod nec ego dictus Johannes nec heredes mei nec aliquis alius nomine nostro aliquod jus clamium vel calumpniam in seysonibus dil Hyech terrarum dictarum monialium nec in seruicio caponum vel altero quocumque seruicio et racione dicti seminis ut predictum est poterimus exigere seu vendicare Et ego dictus Johannes et heredes mei terras monialium predictarum quolibet anno in le Hyech libere seminandas ut predictum est predictis ecclesie et monialibus warantizabimus in perpetuum In cuius rei testimonium presenti scripto sigillum meum apposui Hiis testibus Dominis Johanne de Pabenham Willelmo Botevileyn Johanne Druel Willelmo de Hotot militibus Alexandro Bozoun Hugone le Blount Johanne de Exemuwe Ricardo de Harewolde clerico Ricardo le Champyoun et aliis Datum apud Harewolde sexto die Februarii anno regni Regis Edwardi tricesimo secundo

Source Fulltext: Records of Harrold Priory. G. H. Fowler. Bedfordshire Historical Records Society, V.17. Bedfordshire Historical Records Society. Aspley Guise. 1935.