sciant presentes et futuri quod ego Martinus clericus et Emma uxor mea de Karlton dedimus concessimus et hac presenti carta nostra confirmauimus Henrico filio filio Radulfi de Wroxhull quinque selliones terre nostre ut iacent pro quinque rodis infra parochiam de Karltone cum omnibus suis pertinenciis in vna quarentena scilicet que uocatur Ediuecroft inter mesuagium et croftum quod fuit Thome Ballard ex parte occidentali et terram Galfridi de Chelwynton ex parte orientali et extendunt se a uia que ducit inter Estende et mesuagium Roberti Ammar usque ad uiam que ducit inter Estende et ecclesiam de Karltone tenend et habend dicto Henrico et heredibus suis uel eorum assignatis uel cuicumque uel quibuscumque uel quandocumque dare uel in lecto mortali legare uoluerint de nobis et heredibus nostris uel nostris assignatis Libere bene in pace iure solute hereditarie inperpetuum et quiete ab omnibus seruiciis wardis releuiis sectis consuetudinibus exactionibus demandis et de omni re seculari Saluo vno clauo de Gyrofre quem idem Henricus et heredes sui uel eorum quicumque assignati annuatim reddent nobis et heredibus nostris uel nostris assignatis ad natale domini Et ego predictus Martinus et predicta Emma uxor mea et heredes nostri uel nostri assignati warantizabimus predictos quinque selliones terre cum omnibus suis pertinenciis dicto Henrico et heredibus suis uel eorum quibuscumque assignatis contra omnes gentes et per predictum seruitium in omnibus et de omnibus acquietabimus et defendemus inperpetuum Pro hac autem donacione concessione confirmacione et presentis carte nostre warantizacione dedit nobis dictus Henricus quindecim solidos sterlingorum premanibus ad nostrum negocium expediendum Et ad maiorem securitatem eidem Henrico et heredibus suis uel eorum assignatis inde faciendam ego dictus Martinus et predicta Emma uxor mea pro nobis et heredibus nostris uel nostris assignatis huic scripto sigilla nostra apposuimus Hiis testibus Roberto Ammar Willelmo le Champiun Iohanne Hareng Iohanne de Montibus Ricardo de la More Roberto filio Godefridi de Karltone Willelmo filio Radulfi Roberto filio suo de Wroxhull Willelmo de Leyton Andrea de Maningho Statio Moysen de Houctone Floro Gykel et aliis Actum die dominica in crastino sancti Iohannis ante portam Latinam Anno regni regis Henrici filii Iohannis quadragesimo

Source Fulltext: Records of Harrold Priory. G. H. Fowler. Bedfordshire Historical Records Society, V.17. Bedfordshire Historical Records Society. Aspley Guise. 1935.