Magister Robertus de Bedeford Lincolniensis ecclesie precentor omnibus fidelibus ad quos presens scriptum peruenerit salutem in domino Ne ea que semel recte finita sunt rediuiua peste malicie ualeant suscitari notum facimus uniuersitati uestre causam que uertebatur inter Abbates Arroasie et de Messend et moniales de Harewold super ecclesiis de Harewold et de Brahfeld et earum pertinenciis et super predictarum monialium subiectione in hunc modum esse sopitam et terminatam Cum predictus Abbas de Messend qui in predicta causa procurator Abbatis de Arroasia constitutus erat Et moniales arbitrio domini Hugonis Lincolniensis episcopi stare compromississent Et tandem in presentia mea qui uices gerebam domini episcopi essent constituti Abbas de Messend predictas moniales cum predictis ecclesiis et earum pertinentiis ab omni subiectione quietas inperpetuum clamauit Et prefate moniales dimidiam marcam argenti ecclesie de Messend in ecclesia de Brahfeld annuatim persoluendam pro bono pacis inperpetuum assignauerunt scilicet quadraginta denarios infra septimanam Pasche et quadraginta infra octabas sancti Michelis ad primam exactionem Abbatis de Messend persoluendos Facta fuit autem hec transactio in ecclesia de Haspeleia in die sancti Luce euangeliste anno mclxxxviii incarnationis domini Testibus Osberto Priore de Chaldewella Petro decano de Wichurche et Petro filio eius Michele decano de Neuport Nicholao canonico de Neuham A canonico de Messend magistro Iohanne de Bedef et multis aliis

Source Fulltext: Records of Harrold Priory. G. H. Fowler. Bedfordshire Historical Records Society, V.17. Bedfordshire Historical Records Society. Aspley Guise. 1935.