Sciant presentes et futuri quod ego Willelmus Box filius Alani Box dedi et hac presenti carta mea confirmaui deo et ecclesie sancti Gregorii Cant et canonici ibidem deo seruientibus et seruituris in liberam puram et perpetuam elemosinam triginti et octo acras terre cum pertinentiis suis que me iure hereditario contingent in uilla de Natindon ex parte Petronille matris mee et quicquid mihi ratione illius terre accidet uel aliquo tempore accidere poterit Quarum decem acre iacent inter terram Willelmi de Hebinton uersus austrum et terram Willelmi Cokyn uersus aquilonem et terram heredum Radulfi de Porta uersus orientem et terram fratrum hospitalis de sancto Iacobo uersus occidentem Et decem et dimidia acre iacent inter terram Iohannis Chich uersus occidentem et terram fratrum hospitalis de sancto Laurentio et terram Maynardi Duutis uersus orientem et terram predictorum canonicorum uersus austrum et terram heredum Osmundi Polre uersus aquilonem Et septemdecim acre et dimidia iacent inter regiam stratam uersus austrum et terram monialium de sancto Sepulchro et terram Radulfi Eilmeri uersus aquilonem et terram Rogeri Albi et terram predicti Radulfi uersus orientem et terram heredum Osmundi Polre et terram Iohanni coci uersus occidentem Preterea viginti et unum solidos et undecim denarios liberi redditus percipiendos annuatim ad duos terminos scilicet medietatem ad festum sancti Michelis et medietatem ad Pascha et sexdecim gallinas ad Nathale domini in hunc modum uidelicet de heredibus Thome alderman quatuor solidos et octo denarios de heredibus Eilmeri de Natindun tres solidos et quatuor denarios et tres gallinas et dimidiam de Stephano filio Osmundi et de heredibus suis quatuordecim denarios de Galfrido stabulario et heredibus suis quatuor solidos et octo denarios et quinque gallinas et dimidiam de heredibus Godefridi tresdecim denarios et unam gallinam de heredibus Lambini flandrensi decem denarios de Willelmo Cokyn et heredibus suis decem denarios de Eustachio magistro et heredibus suis tres solidos et quatuor gallinas de heredibus Philippi de celario duodecim denarios tenend et habend predicti canonici et successoribus suis libere quiete bene et in pace in perpetuum Et ego predictus Willelmus et heredes mei warantizabimus pariter et defendemus totam predictam terram et redditum memoratum cum releuiis escheatis et omnibus aliis pertinentiis suis predictis canonicis et successoribus eorum contra omnes homines et feminas Christianos et Iudeos in perpetuum Et ut hec mea donatio et concessio et presentis carte confirmatio facta et recordata in curia predictorum canonicorum firmum et perpetuum robor optineat presens scriptum sigilli mei munimine roboraui Actum anno domini m cc quadragesimo septimo die martis proxima ante festum sancti Barnabe apostoli et cetera Hiis testibus

Source Fulltext: Cartulary of the Priory of St. Gregory, Canterbury. A. M. Woodcock. Camden Third Series, V.88. Offices of the Royal Historical Society. London. 1956.