Omnibus Christi fidelibus presentes litteras inspecturis Thomas prior et conuentus sancti Gregorii Cant salutem in domino Noueritis nos concessisse et bona fide promisisse quod aqueductum dilectorum nobis in Christo prioris et conuentus ecclesie Christi Cant per pomarium nostrum transeuntem saluum et illesum quantum in nobis est conseruabimus et permittemus operarios suos quotiens necesse fuerit ad eundem aqueductum emendendum per curam et portam nostrum liberum habere ingressum et egressum De meliori etiam fructu singulis annis infra octabis natiuitatis beate Marie prout nobis dominus concesserit fructum habundantiam in refectorio dictorum prioris et conuentus inter prandendum unam sportam plenam deferri faciemus Preterea soluemus singulis annis procuratori curtillagii predictorum prioris et conuentus pro quadam particula terre que fuit archidiaconi Cant extra curiam nostram site viij denarios scilicet in festo natiuitatis sancti Iohannis Baptiste pro omnibus seruitiis et de mandis Et in huius rei testimonium presens scriptum sigillo nostro communiuimus Actum anno gratie m cc xxvij Mense Iulii

Source Fulltext: Cartulary of the Priory of St. Gregory, Canterbury. A. M. Woodcock. Camden Third Series, V.88. Offices of the Royal Historical Society. London. 1956.