sciant tam presentes quam futuri quod ego Willelmus Luuel assensu heredum meorum et Isabel uxoris mee concessi et carta mea confirmaui et ad firmam finalem monachis de Thama anno octavo regis Ricardi duo molendina mea tradidi unum ad bladum molendinum et aliud ad pannos fullendos in uilla mea de Menstra que sita sunt iuxta pontem petrinum super aquam de Werich et unam uirgatam terre cum omnibus suis pertinentiis que ad predicta molendina assignata est et medietatem tocius dominici prati mei quod est inter pontem et curiam meam illam scilicet partem que proxima est curie mee ad quod cariandum tempore fenicionis monachi uiam per caput crofte Rogeri de la Forde habebunt Concessi etiam supradictis monachis totam molturam totius sokene de Menstra preter molturam curie mee que quieta erit de Tonnu In qua si transgressi fuerint dampnum meum michi in duplum et hominibus meis in simplum in cura mea resartient Et pasturam quinquies ouium in campis de Menstra ultra aquam ex parte australi absque numero maiori et lx porcos in bosco meo quietos a pannagio et tempore autumpni tantum xx in stipula cum segetes fuerint amote et xv animalia in communi pastura bosci mei Preterea concessi eis quercum unam et duas bigatas uirge et duas closture ad molendinum bladi annuatim per uisum forestarii restituendum ad festum sancti Michelis Hec omnia concessi monachis de Thama tenend de me et heredibus meis libere et quiete per quatuor libras sterlingorum sub annua solutione persoluendorum scilicet in Annuntiatione beate Marie xx sol in festiuitate sancti Iohannis Baptiste xx sol in festiuitate sancti Michelis xx sol in festiuitate sancti Thome apostoli xx sol pro omnibus seruiciis et consuetudinibus que ad me et ad heredes meos pertinent saluo seruitio domini regis et comitis quantum pertinet ad unam uirgatam terre Pro his quatuor libris argenti michi et heredibus meis singulis annis reddendis ego et heredes mei debemus warantizare monachis de Thama supradicta molendina eum omnibus suis pert et uirgatam terre cum suis pert et cetera que prenominata sunt Hec sunt autem ad predicta molendina pertinentia et monachis concessa bedum tantum in quo nullus preter homines monachorum de Thama piscabit et due hamme prati que iuxta stagnum et molendinum ieent et usque ad pontem tendunt petrinum ad uirgatam etiam terre iacent xvi acre in uno anno seminande in alio xv et una acra in bosco subtus quadrar[ium] de quibus viii cum acra predicta iacent iuxta molendinum uersus partes boreales aque totum uero residuum illius uirgate terre iacet in campis uersus partes australes aque et una acra prati in Pilmor et quantum pertinet ad medietatem dimidie uirgate terre et in prato sub curia uersus austrum tantundem et in Nutcliua tantundem Siquid[em] molendinum molerez non ibit ad grauam[en] curie mee et sokene dum molendinum bladi molat His testibus Willelmo de Bruteuill Iohanne herede et filio meo Adam clerico Radulfo filio Gaufridi Roberto de Estrop Roberto capellano Simone de Meritone Waltero persona de Lega Roberto clerico de Hoffecote Philippo clerico de Esthalle Bornardo seruiente meo Thoma de Hoffecote et multis aliis

Source Fulltext: Cartulary of Thame. H. E. Salter. Oxfordshire Record Society, V.24. Oxfordshire Record Society. Oxford. 1947.