Universis sancte matris ecclesie filiis ad quos presens scriptum pervenerit Hubertus dei gratia Sar[isberiensis] episcopus eternam in domino salutem Ex iniuncto nobis sollicitudinis officio tenemur viros religiosos protegere eorumque iura et possessiones quatenus ad nostre administracionis pertinet debitum in tranquillo statu studiosius conservare eapropter nos religionem et hospitalitatem qua monachi Beccenses preeminent attendentes quo melius et religioni vacare et opera pietatis possint uberius exercere ecclesiam de minori Ockeburn[] cum universis pertinenciis suis eisdem monachis concedimus et confirmamus perpetuo possidendam indulgentes eis ut omnes fructus et proventus eiusdem ecclesie in proprios usus convertant et de eisdem prout sibi melius expedire noverint libere disponant salvis episcopalibus consuetudinibus salva etiam honesta et sufficienti sustentacione capellani et eorum qui in ipsa ecclesia per eosdem monachos ministrabunt Ut autem huiusmodi indulgencie nostre concessio firma et stabilis perseveret eam auctoritate qua fungimur confirmamus et tam sigilli apposicione quam testium subscripcione communimus Hiis testibus Ranulfo thesaurario Sar[isberiensis] et aliis

Source Fulltext: Select Documents of the English Lands of the Abbey of Bec. M. Chibnall. Camden Third Series, V.73. Offices of the Royal Historical Society. London. 1951.