Hec est concordia facta in curia de Suthreia die sabbati proxima post festum Apostolorum Petri et Pauli Anno Regni Domini Regis Iohannis xi coram hiis Gilberto de Stangno Arnaldo clerico Bartholomeo de Len et aliis fidelibus Sancti Edmundi tunc ibi presentibus inter fratrem Petrum de Lenn tunc temporis celararium sancti Edmundi et Stephanum filii Iohannis de homagio et seruitio et tenemento Ricardi filii Lewi unde placitum fuit inter eos in predicta curia scilicet quod predictus Stephanus quietum clamauit de se et heredibus suis prefato Petro et successoribus suis totum ius et clamium quod habuit in prefato Ricardo et in seruitio et in tenemento eius in perpetuum Et pro hac concordia et quieta clamantia prefatus Petrus concessit et dedit prefato Stephano i acram terre de eodem tenemento unde placitum fuit inter eos scilicet i acram in Nordun iuxta terram Fulcheri filii Walteri et i rodam iuxta culturam aule in Nordscote et i rodam in Warnolfespot iuxta terram Fulcheri filii Walteri tenend prefato Stephano et heredibus suis per liberum seruitium i den annuatim inde reddendorum aule de Suthreia ad duos terminos in anno scilicet ad purificationem beate Marie i den et ad uincula sancti Petri unum denarium pro omnibus seruitiis et consuetudinibus

Source Fulltext: Kalendar of Abbot Samson of Bury St. Edmunds. R. H. C. Davis. Camden Third Series, V.84. Offices of the Royal Historical Society. London. 1954.