sciant tam presentes quam futuri quod ego Samson dei gratia abbas sancti Edmundi et totus conuentus eiusdem loci unanimi uoluntate et assensu concessimus et presenti carta confirmauimus Willelmo de Huntingefeld et Ysabelle uxori eius et heredibus eiusdem Ysabelle totam uillam de Wenlinge de feodo quod pertinet ad feodum sancti Edmundi cum omnibus pertinentiis ad idem feodum tenend de nobis et de successoribus nostris in perpetuum per seruitium quinquaginta solidorum reddendorum ad duos terminos scilicet xxv sol ad festum sancti Michelis et ad pascha Et idem Willelmus et Ysabella uxor eius et heredes eiusdem Ysabelle tenebunt homines tenentes de eadem uilla per seruitia et consuetudines quas fecerunt et debuerunt aliis abbatibus antequam Willelmus filius Rogeri de Gersingehale predictam uillam tenuit Quare uolumus et firmiter precipimus quod predictus Willelmus et uxor eius et heredes eiusdem Ysabelle teneant et habeant predictam uillam in hominibus in terris et in omnibus aliis rebus ad eandam uillam pertinentibus libere quiete plene et integre per predictum seruitium quinquaginta solidorum Salua nobis et successoribus nostris aduocatione et donatione ecclesie prefate uille ut cyrographum inter nos factum in curia domini Regis testatur Teste Roberto Priore

Source Fulltext: Kalendar of Abbot Samson of Bury St. Edmunds. R. H. C. Davis. Camden Third Series, V.84. Offices of the Royal Historical Society. London. 1954.