Sciant presentes et futuri quod ego Adam filius Ricardi le Bray de Blida concessi uendidi et presenti carta mea confirmaui domino Willelmo Burdon priori beate Marie de Blida et eiusdem loci conuentui et successoribus eorum totum ius et clamium quod habui uel habere potui in uno mesuagio cum edificiis in Blida quod iacet inter mesuagium quod fuit Willelmi le Cordewan[] ex parte australi et mesuagium quod fuit Willelmi Barly ex parte boriali sine ullo retenemento in longitudine et latitudine sicut illud tenui de dictis priore et conuentu tenend et habend predictis priori et conuentui et successoribus eorum quiete integre bene et pacifice in perpetuum cum omnibus escaetis commoditatibus releuiis et cum omnibus aliis pertinenciis que de dicto mesuagio aliquo modo poterunt euenire Pro hac autem concessione uendicione confirmacione et quieta clamacione dederunt mihi predicti prior et conuentus quamdam summam pecunie pre manibus Et ego predictus Adam et heredes mei predictis priori et conuentui et eorum successoribus dictum mesuagium cum edificiis et cum escaetis commoditatibus releuiis et cum omnibus aliis pertinenciis que de eodem mesuagio aliquo modo poterunt euenire contra omnes gentes warantizabimus aquietabimus et per omnia in perpetuum defendemus In cuius rei Datum mense Decemb[] anno domini mcclxx quinto Hiis testibus [etc]

Source Fulltext: Cartulary of Blyth Priory. Royal Commission on Historical Manuscripts Joint Publication, 17. R. T. Timson. Thoroton Society of Nottinghamshire Record Series, 27. Thoroton Society of Nottinghamshire. H.M.S.O. London. 1973.