Sciant [etc] quod [etc] omnibus Christi [etc] Dionisia relicta quondam Ingerammi de Stirap salutem in domino semperiternam Nouerit uniuersitas uestra me concessisse et omnino in perpetuum remisisse pro me et heredibus meis siue assignatis quietum clamasse deo et beate Marie de Blida et monachis ibidem deo seruientibus in mea uiduitate et ligea potestate pro quadam pecunie summa quam michi antedicti monachi pre manibus dederunt totum ius et clamium quod aliquo modo habui uel habere potui uel quod me uel heredes meos iure hereditatis uel aliquo alio modo contingere poterit in quadam cultura terre sita in territorio de Farewad cum tota longitudine et latitudine uti iacet inter uiam ducentem de Blida uersus Tikhil et terram Roberti filii Beatricis de Stirap et abbutat ex uno capite super foreram dictorum monachorum et ex alio capite super semitam que ducit de Stirap uersus Serleby Ita scilicet quod nec ego nec heredes mei uel assignati nec aliquis per nos uel pro nobis de cetero in predicta cultura terre aliquid ius uel clamium habere exigere uendicare ualeamus Datum apud Stirap Anno domini mcclxxviii mense Iunii in crastino apostolorum Petri et Pauli

Source Fulltext: Cartulary of Blyth Priory. Royal Commission on Historical Manuscripts Joint Publication, 17. R. T. Timson. Thoroton Society of Nottinghamshire Record Series, 27. Thoroton Society of Nottinghamshire. H.M.S.O. London. 1973.