Sciant [etc] quod cum Orioldus uxor Theobaldi Friant de Blida donasset priori et conuentui sancte Marie Blide terram et pratum cum pertinenciis quod tenebat in campis de Tikhil de Hugone filio Johannis de Harewrd et dictus Theobaldus Fiant donum uxoris sue confirmasset et idem Hugo de quo dictum pratum et terram cum pertinenciis tenebat concessisset et carta sua confirmasset ut dicti prior et monachi prefatam terram et pratum de ipso tenerent uti dicti Orihildis et Theobaldus tenebant tandem ita conuenit inter dictum Hugonem et priorem et conuentum quod ipsi quietum clamauerunt dicto Hugoni et heredibus suis totum ius et totum clamium quod habebant in dictis terra et prato cum pertinenciis retentis eisdem priori et monachis in puram et perpetuam elemosinam illa acra terre que iacet propinquius de Wluethait et duodecim denariis annui redditus quos prefatis priori et monachis dictus Hugo et heredes sui pro hac dicta quieta clamacione reddent annuatim ad duos terminos uidelicet ad Pascha sex denarios et ad festum sancti Michaelis sex denarios Et dictus Hugo et heredes sui prefatis priori et conuentui dictam acram terre et prefatum redditum tanquam puram et perpetuam elemosinam tenentur contra omnes gentes warantizare et de omnibus rebus adquietare Licebit etiam prefatis priori et monachis iustitiam suam facere in tota terra dicti Hugonis si prefatum redditum ad terminos statutos noluerint Quod ut ratum sit et stabile in perpetuum presens scriptum in duas partes diuisum confirmatum est sigillo conuentus Blide uni parte appenso altera parte sigillo dicti Hugonis communita Actum anno domini mccxxxi die sancti Gregorii mense Marcii

Source Fulltext: Cartulary of Blyth Priory. Royal Commission on Historical Manuscripts Joint Publication, 17. R. T. Timson. Thoroton Society of Nottinghamshire Record Series, 27. Thoroton Society of Nottinghamshire. H.M.S.O. London. 1973.