Hec est finalis concordia facta in curia domini regis apud Glouc[] in octabis Omnium Sanctorum anno regni regis Johannis v coram W de Cantelup[] S de Pateshill[] Henrico de Norhamton[] Ricardo de Seing[] justiciariis et aliis fidelibus domini regis ibidem tunc presentibus inter Rogerum de Berkelay petentem et Thomam abbatem Glouc[] deforciantem de advocatione ecclesie de Doddinton[] cum pertinenciis unde recognicio assise ultime presentacionis summonita fuit inter eos in prefata curia scilicet quod predictus Rogerus recognovit predictam advocationem cum pertinenciis esse jus ipsius abbatis et ecclesie sancti Petri de Glouc[] et eam remisit et quietam clamavit de se et heredibus suis predicto abbati et successoribus suis et ecclesie sancti Petri de Glouc[] in perpetuum Et predictus abbas intuitu caritatis dedit predictam ecclesiam ad peticionem ipsius Rogeri Waltero clerico de Bannebir[] tenend ipsi Waltero tota vita sua nomine persone Et post decessum ipsius Walteri predictus abbas intuitu caritatis conferet uni clerico ydoneo predictam ecclesiam ad peticionem predicti Rogeri vel heredum suorum qui eam tenebit tota vita sua nomine persone

Source Fulltext: A Medieval Miscellany for Doris Mary Stenton. P. M. Barnes and C. F. Slade. Pipe Roll Society, V.76, New Series V.36. Pipe Roll Society. J. W. Ruddock. Lincoln. 1962.