Hec est conuentio facta inter dominum Willelmum de Bello Campo uicecomitem Wygorn et Isabellam uxorem eius ex parte una et dominam Isabellam de Mortuo Mare ex altera uidelicet quod predicti Willelmus et Isabella uxor eius tradiderunt et concesserunt predicte Isabelle de Mortuo Mare totam terram suam cum redditu et omnibus aliis pertinentiis suis in Uplodecoumbe quam quidem terram dominus Willelmus cepit cum dicta Isabella uxore sua in libero maritagio excepta aduocatione ecclesie eiusdem habend et tenend dicte Isabelle de Mortuomare uel suis assignatis quibuscumque et quocumque illam assignare uoluerit cum omnibus pertinentiis et omnibus aliis emolumentis que accidere poterunt infra terminum scilicet a natiuitate beati Iohannis Baptiste anno regni regis Henrici filii regis Iohannis xxxiiii usque in tres annos proximos sequentes et completos de predictis Willelmo et Isabella uxore sua et eorum heredibus adeo libere secuti predicti Willelmus et Isabella uxor eius illam melius et liberius tenuerunt Dicti uero Willelmus et Isabella uxor eius tradiderunt dicte Isabelle de Mortuo Mare dictam terram cultam et inbladatam et staurum suum uidelicet duodecim boues pretium cuiuslibet bouum ix solidos et unum iuuenem bouem pretii vii solidos et quatuor affros pretii cuiuslibet vi solidos Pro hac autem traditione et concessione predicta Isabella de Mortuomare dictis Willelmo et Isabelle uxori sue pacauit sexaginta marcas sterlingorum premanibus et predictus Willelmus et Isabella uxor sua atque eorum heredes totam hanc predictam terram ut predictum est cum omnibus suis pertinentiis usque ad terminum prenominatum predicte Isabelle de Mortuomare uel suis assignatis contra omnes gentes warantizabunt In fine uero dicti termini completi dicta Isabella de Mortuomare uel sui assignati dictam terram sicut ipsam recepit cum prenominato stauro uel pretio dictis Willelmo et Isabelle uxori eius uel eorum heredibus reddere tenentur sine omni contradictione Ad hanc autem conuentionem fideliter et sine dolo tenend et obseruandam ex utraque parte affidauerunt et sigilla sua huic scripto in modo cyrographi confecto et partice mutuo apposuerunt Hiis testibus domino Warino filio Gerardi domino Iacobo de Bello Campo domino Iohanne de Torberuile Iohanne le Flemeng Roberto Basset de Ledecoumbe et aliis

Source Fulltext: Beauchamp Cartulary, 1100-1268. E. Mason. Pipe Roll Society, New Series V.43. Pipe Roll Society. J. W. Ruddock. Lincoln. 1980.