Hec est finalis concordia facta in curia domini regis apud Westm a die Sancte Trinitatis in tres septimanas anno regni regis Henrici filii regis Johannis quadragesimo secundo coram domino Roberto de Brywes et Nicholao de Hanlo justic[] et aliis domini regis fidelibus tunc ibi presentibus inter Willelmum de Bello Campo de Elmesleg[] et Isabellam uxorem eius per Willelmum de Bello Campo clericum ponitum loco eorum ad lucrandum vel perdendum et Aliciam de Scocot querentes per Willelmum de Stouwe ponitum loco ipsius Alicie ad lucrandum vel perdendum et Ricardum Lungespeye et Willelmum Brun impedientes de advocatione ecclesie de Upbledecumbe unde placitum fuit inter eos in eadem curia Scilicet quod predicti Ricardus et Willelmus concesserunt pro se et heredibus eorum quod predicti Willelmus et Isabella et Alicia primo presentent clericum suum ad eandem ecclesiam Et pro hac concessione fine et concordia predicti Willelmus et Isabella et Alicia concesserunt pro se et heredibus ipsius Isabelle quod post mortem vel cessionem illius clerici qui ad presentationem predictorum Willelmi et Isabelle et Alicie ad predictam ecclesiam fuerit admissus et in eadem institutus quod predicti Ricardus et Willelmus vel heredes eorum presentent clericum suum ad eandem ecclesiam Ita quod post mortem vel cessionem illius clerici qui ad presentationem predictorum Ricardi et Willelmi vel heredum suorum ad eandem ecclesiam fuerit admissus et in eadem institutus quod predicti Willelmus et Isabella et Alicia vel heredes ipsius Isabelle presentent bis ad eandem ecclesiam scilicet duos clericos successive Ita quod post mortem vel cessionem illorum clericorum qui ad presentationem predictorum Willelmi et Isabelle et Alicie vel heredum ipsius Isabelle ad eandem ecclesiam fuerint admissi et in eadem instituti predicti Ricardus et Willelmus vel heredes eorum presentabunt semel clericum suum ad eandem ecclesiam Et sic predicti Willelmus et Isabella et Alicia et heredes ipsius Isabelle bis successive et predicti Ricardus et Willelmus et heredes eorum semel presentabunt clericos suos ad eandem ecclesiam imperpetuum

Source Fulltext: Beauchamp Cartulary, 1100-1268. E. Mason. Pipe Roll Society, New Series V.43. Pipe Roll Society. J. W. Ruddock. Lincoln. 1980.