Anno regni regis Henrici filii regis Iohannis quadragesimo secundo ad festum sancti Michelis conuenit inter dominum Willelmum de Bello Campo ex parte una et Christianam que fuit uxor Petri de Wyke ex altera uidelicet quod predicta domina Christina tradidit dimisit et concessit predicto domino Willelmo de Bello Campo totum manerium suum de Snodesbur Coulesdon et Upton cum omnibus suis pertinentiis cum boscis molendinis pratis pascuis et pasturis cum omnibus hominibus tam liberis quam seruis et eorum successoribus et sequelis et cum omnibus aliis rebus ad dictum manerium pertinentibus tenend et habend predicto domino Willelmo et heredibus suis uel suis assignatis de predicta domina Christiana quam diu uixerit libere quiete bene et in pace cum omnibus libertatibus in omnibus rebus et locis Ita uidelicet quod predicta domina Christiana quolibet anno quam diu uixerit in autumpno recepiet medietatem omnium garbarum de dominico dicti manerii ad opus suum proprium Et idem Willelmus et heredes sui uel sui assignati inuenient eidem Christiane fenum ad unum palefridum uel ad duos quotiens opus fuerit et ipsam uoluerit et inuenient eidem Christiane boscam et arborem ad usus suos proprios apud Wygorn de bosko de Snodell uel de parco de Warberg indifferenter Concessit etiam dictus Willelmus pro se et heredibus suis uel suis assignatis quod decime molendine dentur de cetero sicut retroactis temporibus dari consueuerant et eodem modo obligationes de capella in curia de Snodesbur Concessit etiam dictus Willelmus pro se et heredibus suis uel suis assignatis quod dictam Christianam honorabit in quantum potest et mauntenebit pro posse suo et faciet seruitium capitalibus dominis feodi debitum et consuetum Et concessit pro se et heredibus suis uel suis assignatis quod si humanitus de eo contingat quod absit in uita dicte Christiane quod dicti heredes sui uel sui assignati hanc conuentionem eidem domine Christiane plene [et] fideliter teneant sine fraude et omni impedimento quod si non fecerint extunc licebit predicte domine Christiane dictum manerium de Snodesbur Coulesdon et Upton cum pertinentiis ut predictum est ingredi et pacifice possidere sine contradictione uel impedimento heredum uel assignatorum suorum non obstante ista conuentione In cuius rei memoria scripto penes dominam Christianam remanenti dictus Willelmus sigillum suum apposuit et scripto penes dominum Willelmum de Bello Campo demoranti dicta Christiana sigillum suum duxit apponendum Hiis testibus dominis Baldwyno de Abruy Hugone Peche Willelmo de Salsomarisco Wydone Pisard Willelmo filio Warini Willelmo de Bracy militibus Osberto de Crumly Waltero Haket Iohanne de Chirchill Iohanne de Cherdon Thoma de Wewynton Iordano de Codell Iordano uicario de Upton Roberto de la Folue et multis aliis

Source Fulltext: Beauchamp Cartulary, 1100-1268. E. Mason. Pipe Roll Society, New Series V.43. Pipe Roll Society. J. W. Ruddock. Lincoln. 1980.