Omnibus Christi fidelibus ad quorum notitiam presens scriptum pervenerit Thomas de Clintone dominus Beusale salutem in domino Noveritis me dedisse et concessisse et presenti scripto confirmasse Thome de Cherlecote pro servitio quod michi fecit et heredibus suis et assignatis totum fossatum cum omni vestura crescente in dicto fossato quod est inter boscum dicti Thome et magnum assartum meum in parte occidentale Ita quod ego nec heredes mei nichil juris vel clamii dicto fossato vel vestura aliquo tempore habere vel vendicare possimus habend et tenend sibi et heredibus suis vel assignatis libere et pacifice sine aliqua perturbatione mei vel heredum meorum quietum ab omni servitio seculari et exactione tam forinceco quam intrisico imperpetuum Ita tamen quod dictus Thomas et heredes sui vel assignati talem clausturam facient super dictum fossatum et predictam clausturam sustinebunt imperpetuum quod ego nec heredes mei nec mei assignati aliquid dampni vel jacture aliquo modo possimus incurrere occasione dicte clausture legaliter non sustentate Ego vero vel heredes mei dictum fossatum cum arboribus radices facientibus in dicto fossato et cum pertinenciis predictis dicto Thome et heredibus suis vel assignatis contra omnes mortales warantizabimus acquietabimus et defendemus imperpetuum Ut hec autem mea donatio concessio et huius presentis scripti confirmatio perpetue firmitatis robur optineant huic presenti scripto in modum sirograffi confecto alternatim sigilla nostra apposuimus Hiis testibus Johanne de Chrevoli[] Johanne Sifleth Simone Bertolmeu Galfrido Bertelme[] Simone de la Grene et aliis Data apud Beusale secundo nonas Martii anno Henrici regis quadragesimo quinto

Source Fulltext: Beauchamp Cartulary, 1100-1268. E. Mason. Pipe Roll Society, New Series V.43. Pipe Roll Society. J. W. Ruddock. Lincoln. 1980.