Sciant presentes et futuri quod ego Ricardus de Wytteneie dedi et concessi et hac presenti carta mea confirmaui et omnino quietum clamaui pro me et heredibus meis in perpetuum Philippo Clerico et heredibus suis uel suis asingnatis et Lutie uxori sue totum ius meum et clamium quod habui uel habere potui in quadam terra in parochia sancti Petri extra portam orientalem Oxonie sita inter terram Iohannis Crompe ex una parte et terram Willelmi de Couele ex altera parte cum redditibus releuiis homagiis eschaetis et omnibus aliis ubique pertinentiis infra uillam uel extra prout carte feffatorum meorum quas habui melius et plenius testantur nichil iuris uel clamii michi uel heredibus meis retento in perpetuum habend et tenend dictis Philippo et Lutie et heredibus suis uel suis asingnatis libere et quiete bene et in pace ab omni seculari seruitio exactione et demanda reddendo inde annuatim capitalibus dominis seruitium debitum et consuetum Pro hac autem donatione concessione et carte mee confirmatione ac etiam quieta clamatione dederunt michi dicti Philippus et Lutia octodecim solidos argenti pre manibus in gersummam Ego uero Ricardus et heredes mei dictam terram cum pertinentiis dictis Philippo et Lutie et heredibus uel suis asingnatis sicut predictum est contra omnes homines et feminas tam Cristianos quam Iudeos warantizabimus aquietabimus et defendemus in perpetuum Et ut hec mea donatio concessio et carte mee confirmatio ac quieta clamatio rata et stabilis permaneat huic scripto sigillum meum apposui Hiis testibus Ada Feteplace tunc maiore Oxonie fratre Henrico tunc custode hospitalis sancti Iohannis Oxonie Iohanne de Coleshulle Ricardo filio Nicholai tunc prepositis Oxonie Rogero le Boltere Willelmo Ioie Iohanne Filecinge Gileberto le Boltere Roberto Capellatorio et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.