Sciant presentes et futuri quod ego Henricus Hinge concessi dimisi et hac presenti carta mea confirmaui Laurentio Log illud mesuagium cum pertinentiis suis quod est inter terram que fuit aliquando Willelmi le Baus ex una parte et terram que fuit aliquando Iohannis Molendinarii de Cofleya ex altera in parochia beati Petri extra portam orientalem Oxonie habend et tenend sibi et heredibus suis uel suis assignatis de me et heredibus meis in feodo et hereditate libere quiete et integre reddendo inde annuatim ipse Laurentius et heredes sui uel sui assignati michi et heredibus meis unum denarium ad Pascha pro omni seruitio exactione et demanda Et ego Henricus et heredes mei warantizabimus predictum mesuagium cum omnibus pertinentiis suis predicto Laurentio et heredibus suis uel suis assignatis contra omnes homines mares et feminas Pro hac autem concessione dimissione confirmatione et warantizatione dedit michi predictus Laurentius unam marcam in gerssumam Et ut hec omnia predicta rata et firma in perpetuum permaneant hoc presens scriptum sigilli mei impressione corroboraui Hiis testibus Galfrido de Stocwelle tunc maiore Oxonie Iohanne Pille tunc preposito Andrea Halegod Thoma de Sancto Edwardo Adam de Sancto Edwardo Nicolao Wistle Adam Wistle Rogero le Arcenir Willelmo le Prodde et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.