Sciant presentes et futuri quod ego Galfridus Aurifaber burgensis Oxonie dedi concessi et hac presenti carta mea confirmaui pro me et heredibus meis uel meis assignatis fratri Waltero tunc magistro hospitalis sancti Iohannis extra portam orientalem Oxonie et eiusdem loci confratribus omnes terras et tenementa que sunt inter terram quondam Radulfi le Bike et terram hospitalis predicti quam quondam Iohanna de Haseleye tenuit extra portam orientalem Oxonie in parochia sancti Petri orientalis Oxonie habend et tenend predictas terras et tenementa cum omnibus pertinentiis suis de me et heredibus meis uel meis assignatis predictis fratribus et successoribus suis libere quiete bene et in pace in puram et perpetuam elemosinam sicut aliqua elemosina liberius et quietius teneri potest Et ego predictus Galfridus et heredes mei uel assignati mei predictis magistro et fratribus et successoribus suis predictas terras et tenementa cum suis pertinentiis sicut predictum est contra omnes homines mares et feminas tam Cristianos quam Iudeos imperpetuum warantizabimus acquietabimus et defendemus Et ut hec mea donatio concessio carte mee confirmatio warantizatio rata et stabilis et inconcussa imperpetuum permaneat hoc scriptum signi impressione corroboraui hiis testibus Nicholao de Kyngistone tunc maiore Oxonie Nicholao Aurifabro Henrico de Gamage tunc balliuis Waltero Aurifabro Henrico Owayn Galfrido de Henxeye Iohanne Filekyng Willelmo Pille Iohanne le Marischal Philippo Clerico Thoma Feteplace Iohanne Burgeyse Ricardo de Eppwelle et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.