Sciant presentes et futuri quod ego Philippus Belewe de Oxonia dedi concessi et hac presenti carta mea confirmaui et omnino quietum clamaui pro me et heredibus meis uel meis assignatis fratri Waltero tunc magistro hospitalis sancti Iohannis extra portam orientalem Oxonie et eiusdem loci confratribus unum denarium annualis redditus in liberam puram et perpetuam elemosinam quem denarium solebam recipere de predictis fratribus pro quadam terra super Charewelle ex opposito predicti hospitalis extra portam orientalem Oxonie habend et tenend sibi et successoribus suis predictum denarium annualis redditus cum omnibus pertinentiis suis uel libertatibus sine ullo retenemento libere quiete bene et in pace imperpetuum ab omni seculari seruitio consuetudine exactione et demanda Et ego uero predictus Philippus et heredes mei uel assignati mei predictis confratribus et successoribus suis predictum denarium redditus cum suis pertinentiis sicut predictum est contra omnes homines mares et feminas tam Cristianos quam Iudeos imperpetuum warantizabimus acquietabimus et defendemus In cuius rei testimonium hoc scriptum sigilli mei impressione corroboraui Hiis testibus Nicholao de Kyngistone tunc maiore Oxonie Galfrido Aurifabro Iohanne de Eu tunc balliuis de eadem Henrico Owayn Willelmo le Spicer Elia le Quilter Iohanne Fylekyng Willelmo Pille Iohanne le Marischal Ricardo de Eppewelle et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.