Notum sit omnibus hoc scriptum uisuris uel audituris quod ego Raudulfus Arbalistarius Oxonie dimisi et quietum clamaui totum ius et clamium quod habui uel habere potui in quodam messuagio cum pertinentiis extra portam orientalem Oxonie proximo magne porte hosspitalis sancti Iohannis Oliuero de Tywe et heredibus suis ex Alitia filia quondam Walteri Chepharm procreatis reddendo inde annuatim predicto Oliuero et heredibus suis ex predicta Alitia progenitis uel suis assignatis hospitali sancti Iohannis Oxonie quatuor solidos sterlingorum ad quatuor anni terminos pro omni seruitio et demanda uidelicet xii denarios ad festum sancti Michelis et xii denarios ad Natale Domini et xii denarios ad Annuntiationem beate Uirginis et xii denarios ad Natiuitatem sancti Iohannis Baptiste et michi et heredibus meis uel meis assignatis unum clauum gilofrie annuatim ad Pascha Et ego predictus Raudulfus ad maiorem securitatem predicto Oliuero et heredibus suis prenominatis faciendam omnes conditiones michi per cartam de predicto messuagio cum pertinentiis concessas eisdem concessi Et ut hec mea dimissio et quieta clamatio rata et stabilis in perpetuum permaneat huic scripto sigillum meum apposui hiis testibus Iohanne de Colishulle tunc maiore Oxonie Galfrido Aurifabro et Philippo de Ho tunc prepositis Galfrido Li Mercer Galfrido de Hengisheie Galfrido Li Sauser Willelmo Li Spicer Nicalao de Chingistune Helia Li Quilter Willelmo Pille Iohanne Filekin Iohanne Li Marescal Gilberto Li Hathar Matheo Li Tallar et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.