Sciant presentes et futuri quod ego Adam tunc custos hospitalis sancti Iohannis extra portam orientalem Oxonie et confratres eiusdem loci unanimi assensu et consensu dedimus concessimus et dimisimus et hac presenti carta nostra confirmauimus Ricardo Marescallo totam terram illam cum superedifitiis et omnibus aliis pertinentiis suis que iacet extra portam orientalem Oxonie inter terram Hedredi et terram quam Rogerus filius Stephani aliquando tenuit et pertendit se in aquilonem ad longitudinem curtilagii predicti Hedredi tenend et habend de nobis successoribusque nostris sibi et heredibus suis uel suis assignatis exceptis uiris religiosis et Iudeis in perpetuum in feodo et hereditate libere quiete et integre reddendo inde annuatim nobis et successoribus nostris sexdecim solidos argenti ad quatuor anni terminos uidelicet ad Natale Domini quatuor solidos et ad festum sancte Marie in Martio quatuor solidos et ad Natiuitatem beati Iohannis Baptiste quatuor solidos et ad festum sancti Michelis quatuor solidos pro omni seruitio exactione et demanda Et nos prenominati fratres et successores nostri warantizabimus totam predictam terram cum pertinentiis suis predicto Ricardo Marescallo et heredibus suis uel suis assignatis exceptis uiris religiosis et Iudeis contra omnes homines mares et feminas et defendemus et acquietabimus Pro hac autem donatione concessione dimissione et confirmatione et warantizatione dedit predictus Ricardus Marescallus infirmis predicti hospitalis dimidiam marcam argenti ad pitantiam Et sciendum quod nos et successores nostri habebimus liberum introitum et exitum ad namiandum in eadem terra quotienscunque euenerit quod aliquid de predicto redditu aretro fuerit Et si predictus Ricardus uel heredes sui predictam terram uendere uel inuadiare uoluerint hoc prius predictis fratribus uel eorum successoribus innotescant et in hoc proximiores erunt quam aliqui alii Ut igitur hec omnia predicta et prediuisa firma et stabilia in perpetuum permaneant hoc presens scriptum sigilli nostri inpressione corroborauimus et confirmauimus Hiis testibus Laurentio With tunc maiore Oxonie Adam Submuro et Iohanne Cureci tunc prepositis Waltero Aurifabro Henrico Hing Laurentio Log Rogero Exemplario Adam Wistle Rogero Bolter Henrico Comb[er] Willelmo Prute et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.