Omnibus Cristi fidelibus hoc presens scriptum uisuris uel audituris Thomas de Wyppeley pistor salutem in domino sempiternam Noueritis me dedisse concessisse et omnino quietumclamasse imperpetuum de me et heredibus meis uel meis assignatis magistro hospitalis sancti Iohannis extra portam orientalem Oxonie et confratribus eiusdem loci et successoribus suis totum ius et clameum quod unquam habui uel aliquo iure habere potui in una selda cum duobus solariis situata extra portam orientalem Oxonie inter tenementum predicti hospitalis ex una parte et tenementum Walteri de Totteleye ex altera parte et de uno clauo gariophili de toto illo tenemento cum pertinentiis quod Gilbertus le Hattere quondam de nobis tenuit et in uno nouo pari cyrotecarum annui redditus de toto illo tenemento cum pertinentiis quod Thomas de Coueley tenet et una rosa annui redditus de toto illo mesuagio cum gardino quod Ricardus de Sulthone tenet in parochia sancti Clementis in suburbio Oxonie una cum toto iure et clameo quod michi et heredibus meis uel meis assignatis aliquo modo accidere poterit in predicta selda cum predictis duobus solariis et predicto annuo redditu imperpetuum ita uidelicet quod ego predictus Thomas uel heredes mei uel mei assignati uel aliquis alius nomine nostro in predicta selda cum predictis duobus solariis et predicto annuo redditu nichil iuris clamei seu calumpnie de cetero exigere poterimus uendicare seu clamare sed penitus simus exclusi imperpetuum Pro hac autem donatione concessione et quieta clamatione dederunt michi predicti magister hospitalis et confratres eiusdem loci ad terminum uite mee unum celarium in excambio situatum in parochia sancte Ebbe uirginis in Oxonia inter terram predicti hospitalis ex una parte et terram Cristofori tunc burgensis Oxonie ex altera parte reddendo inde annuatim predictis magistro et fratribus sex denarios ad festum beate Marie in Martio In cuius rei testimonium huic presenti scripto quiete clamationis in duas partes diuiso tam ego predictus Thomas ex parte mea quam predicti magister et confratres predicti hospitalis ex parte sua sigilla nostra alternatim sunt appensa Hiis testibus Roberto de Wermenhale tunc maiore Oxonie Hugone Cary Willelmo de Burcestria tunc balliuis Oxonie Iohanne de Doclynthone Ricardo Clerico et aliis multis Data die Lune proxima post festum sancti Michelis archangeli anno regni regis Edwardi xxxi

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.