Sciant presentes et futuri quod ego Lutia uxor quondam Philippi le Notur in ligia uiduitate mea et plena potestate mea dedi et concessi et hac presenti carta mea confirmaui et omnino quietum clamaui pro me et heredibus meis uel meis assignatis in perpetuum deo et hospitali sancti Iohannis extra portam orientalem Oxonie et confratribus ibidem deo seruientibus unum mesuagium cum omnibus pertinentiis extra portam orientalem Oxonie uidelicet quod situm est inter tenementum quondam Iohannis Marescalli ex parte australi et tenementum quondam Iohannis de Samford ex parte orientali habend et tenend de me et heredibus meis et de meis assignatis predictum mesuagium cum omnibus pertinentiis predictis fratribus predicti hospitalis et eorum successoribus libere quiete bene et integre et pacifice in perpetuum sicut predictum est reddendo inde annuatim unam libram piperis ad Natale Domini heredibus Iohannis le Marescal pro omni seruitio seculari exactione et demanda Et ego uero dicta Lutia et heredes mei siue assignati mei predicto magistro et predictis fratribus et eorum successoribus predictum mesuagium cum omnibus pertinentiis cum libero introitu et exitu warentizabimus acquietabimus et defendemus in perpetuum Pro hac autem donatione traditione et quieta clamatione dederunt michi predicti fratres uiginti solidos in gersumma pre manibus Et ut omnia prescripta et prediuisa firma et stabilia in perpetuum permaneant hoc presens scriptum pro me et pro heredibus meis uel meis assignatis sigilli mei inpressione confirmaui et corroboraui Hiis testibus Iohannes Culwerd tunc maiore Oxonie Nicolaus Aurifaber Thomas Sowy tunc balliuus Nicolaus de Kingestone Robertus de Swenebroke Philippus de O Iohannes de O Nicolaus clericus et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.