Sciant presentes et futuri quod ego Lutia quondam uxor Philippi le Notur in legia uiduitate mea et potestate dedi concessi et hac presenti carta mea confirmaui Iohanni Marescallo et Matilde uxori sue unum solarium cum omnibus muris et omnibus aliis pertinentiis extra portam orientalem in suburbio Oxonie quod situm est inter mesuagium predicti Iohannis et mesuagium meum proprium habend et tenend predicto Iohanni et Matilde uxori sue de me et heredibus meis uel meis assignatis ad terminum uite utriusque cum omnibus libertatibus suis et consuetudinibus libere quiete bene et in pace reddendo inde annuatim unum clauum gariofili usque ad terminum decem annorum plene conpletorum et post illud terminum plene conpletum prefatus Iohannes et Matilda uxor sua reddant michi et heredibus meis uel assignatis duos solidos annui redditus pro omni seruitio seculari exactione et demanda Pro hac autem donatione et concessione predictus Iohannes et Matilda dederunt predicte Lutie dimidiam marcam argenti pre manibus Et ut hec omnia predicta stabilia et rata permaneant hoc presens scriptum impressione sigilli mei roboraui Hiis testibus Nicholao de Kyngestone tunc maiore Iohanne Culuard Thoma de Sowey tunc balliuis Nicholao Aurifabro Egidio de Stokwelle Martino Exemplario Gerardo Tinctore Waltero Molendinario Ricardo Clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.