Sciant presentes et futuri quod ego Lutia quondam uxor Philippi le Notur in legia uiduitate mea et potestate dedi concessi et hac presenti carta mea confirmaui Iohanni Marescallo et heredibus suis uel suis assignatis totum murum meum stantem inter domum meam propriam et domum predicti Iohannis Marescalli extra portam orientalem in suburbio Oxonie et constat in longitudine a curtilagio sancti Iohannis usque ad altum uicum ita scilicet quod ego dicta Lutia possum habere asiamenta mea in predicto muro habend et tenend predicto Iohanni et heredibus suis uel assignatis de me et heredibus meis in perpetuum cum libertatibus et consuetudinibus libere quiete bene et in pace reddendo inde annuatim unum clauum gariofili pro omni seruitio seculari exactione et demanda scilicet ad Pascha Pro hac autem donatione et concessione predictus Iohannes dedit dicte Lutie unam dimidiam marcham argenti pre manibus Et ut hec omnia predicta stabilia et rata permaneant hoc presens scriptum inpressione sigilli mei roboraui Hiis testibus Nicholao de Kyngestone tunc maiore Iohanne Culuard Thoma Sowe tunc balliuis Nicholao Aurifabro Egidio de Stokwelle Martino Exemplario Gerardo Tinctore Waltero Molendinario Ricardo Clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.