Sciant presentes et futuri quod ego Adam Faber dedi concessi et hac carta mea confirmaui Rogero Exemplario Oxonie quandam partem curie mee extra portam orientalem Oxonie uersus aquilonem que iacet inter magnum uicum ex una parte et terram predicti Rogeri ex altera et continet inter muros longitudinem quadraginta et duorum pedum habend et tenend de me et heredibus meis uel meis assignatis sibi et heredibus suis uel suis assignatis libere quiete et hereditarie reddendo inde annuatim michi et heredibus meis uel meis assignatis ille et heredes sui uel sui assignati quatuordecim denarios uidelicet ad festum sancti Michelis vii d et ad Pascha vii d pro omni seruitio et seculari demanda Et ego Ada et heredes mei uel mei assignati warentizabimus prenominatam partem curie mee prefato Rogero et heredibus suis uel suis assignatis per predictum seruitium contra mares et feminas omnes Et si contingat predictum Rogerum uel heredes suos uel suos assignatos deficere in solutione predicte pensionis bene licebit michi Ade et heredibus meis uel meis assignatis introire in feodum predicti Rogeri uel heredum suorum uel suorum assignatorum ad capiendum uadimonium pro predicta pensione prefate terre mee Pro hac autem donatione et huius carte warentizatione dedit michi predictus Rogerus sex solidos in gersumam Et ut hec mea donatio et huius carte mee warentizatio stabilis et rata sit huic scripto sigillum meum apposui hiis testibus Rogero Le Arconer extra portam orientalem Oxonie Ricardo Le Mareschal Willelmo Ioye Willelmo Le Prude Iohanne de Bannebury Henrico le Peyngnur Waltero Godekenaue Iohanne Mocke et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.