Sciant presentes et futuri quod ego frater Walterus tunc magister hospitalis sancti Iohannis extra portam orientalem Oxonie et eiusdem loci confratres unanimi assensu et consensu dedimus concessimus et hac presenti carta nostra confirmauimus Iohanni Le Marischal unum mesuagium extra portam orientalem Oxonie in parochea sancti Petri orientalis quod mesuagium situm est inter terram quondam Ricardi le Marischal et terram predicti Iohannis quod mesuagium Rogerus le Saumplarier quondam tenuit habend et tenend predictum mesuagium cum omnibus suis pertinentiis de nobis et successoribus nostris predicto Iohanni et heredibus suis uel suis assignatis uel cuicumque uel quandocumque illud dare uendere assignare uel legare uoluerit excepta domo religionis Iudaismo et uniuersitate libere quiete bene et in pace imperpetuum reddendo inde annuatim nobis et successoribus nostris octo solidos sterlingorum ad quatuor anni terminos scilicet ad festum Natiuitatis sancti Iohannis Baptiste duos solidos ad festum sancti Michelis duos solidos ad festum sancti Thome apostoli ante Natale duos solidos et ad festum Annuntiationis beate Marie in Martio duos solidos pro omni seruitio seculari exactione et demanda Et si ita contingat quod predictus Iohannes et heredes sui uel sui assignati in solutione dicti redditus ad aliquem terminum defitiant concedit pro se et heredibus suis uel suis assignatis quod predicti confratres et eorum successores plenam habeant potestatem et liberum ingressum et exitum namiandi et distringendi tam in mesuagio predicti Iohannis quod situm est inter uiam regalem et mesuagium predictum quam in illo mesuagio de quo redditus tenetur quousque predictis confratribus satisfactum sit tam de arreragiis quam de principali redditu Et nos uero predicti magister et confratres et successores nostri predicto Iohanni et heredibus suis uel suis assignatis predictum mesuagium sicut predictum est contra omnes homines mares et feminas tam Cristianos quam Iudeos imperpetuum warantizabimus acquietabimus et defendemus Pro hac autem donatione concessione carte nostre confirmatione et warantizatione dedit nobis predictus Iohannes unam marcam sterlingorum pre manibus Et ut hec omnia predicta firma et stabilia imperpetuum permaneant partes alternatim hiis scriptis dentatis sigilla sua apposuerunt Hiis testibus Nicholao de Kyngistone tunc maiore Oxonie Galfrido Aurifabro Nicholao de Colushulle tunc balliuis Oxonie Henrico Owayn Galfrido de Heinxeye Philippo de Ew Iohanne de Ew Nicholao Aurifabro Elya le Quilter Iohanne de Filekynge Willelmo Pille Ricardo de Eppewelle et aliis Hec scripta facta fuerant ad festum apostolorum Philippi et Iacobi anno regni regis Eadwardi filii regis Henrici quarto

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.